పాకిస్థాన్ సూపర్ లీగ్ (PSL) టోర్న‌మెంట్‌లో విచిత్ర‌మైన సంఘ‌ట‌న చోటుచేసుకుంది. తాజాగా కరాచీ జట్టు (Karachi Team) తరఫున అద్భుతంగా ఆడి సెంచరీ (Century) సాధించిన బ్యాటర్ జేమ్స్ విన్స్ (James Vince) (101 పరుగులు)కు ఇచ్చిన గిఫ్ట్ (Gift) నెట్టింట చర్చనీయాంశంగా మారింది. శ‌త‌కం బాది జట్టు విజ‌యంలో కీల‌క పాత్ర పోషించిన జేమ్స్ విన్స్‌కు టీమ్‌ మేనేజ్‌మెంట్ (Team Management) హెయిర్ డ్రయర్ (Hair Dryer)ను బహుమతిగా ఇచ్చి షాక్ ఇచ్చింది.
ఇది చూసిన నెటిజన్లు ఆస‌క్తిక‌ర‌మైన కామెంట్స్ చేస్తున్నారు. ఇప్పుడు హెయిర్ డ్రయర్ ఇచ్చారు.. “తర్వాతి మ్యాచ్‌కు షాంపూ (Shampoo) ఇస్తారా?”, “ఫైనల్ గెలిస్తే షేవింగ్ క్రీమ్ (Shaving Cream) ఇవ్వొచ్చు కదా” అంటూ సెటైర్లు, మీమ్స్‌తో సోషల్ మీడియాలో దుమ్మెత్తిస్తున్నారు.
ఇక స్టేడియంలో ‘లక్కీ గిఫ్ట్ (Lucky Gift)’ పేరిట ఒక బైక్‌ (Bike)ను ప్రదర్శనకు ఉంచిన నిర్వాహకులు, వచ్చే సీజన్‌లో ‘సైకిల్ (Cycle)’ ప్రదర్శన పెడతారని జోక్‌లు పేలుతున్నాయి. గెలుపులో ఆటగాళ్లకు గిఫ్ట్‌లు ఇవ్వడం సాధారణమే కానీ, వాటి వెనకున్న ఎంపిక నెట్టింట మాత్రం నవ్వులు పుట్టిస్తోంది.
