కోల్కాతా టెస్ట్లో ఓటమి తర్వాత, ప్రపంచ టెస్ట్ ఛాంపియన్షిప్ (WTC) 2025-27 సైకిల్లో భారత జట్టు ఫైనల్ చేరే అవకాశాలు సంక్లిష్టంగా మారాయి. ఇప్పటివరకు ఆడిన ఎనిమిది టెస్టుల్లో మూడు ఓడి, ఒక మ్యాచ్ డ్రా అయిన టీమిండియా, కేవలం నాలుగు విజయాలతో 54% పాయింట్స్ శాతంతో (PCT) నాలుగో స్థానంలో ఉంది.
WTC ఫైనల్కు అర్హత పొందాలంటే సాధారణంగా 64% నుంచి 68% మధ్య PCT అవసరం. ఈ నేపథ్యంలో, టాప్-2 స్థానాల్లోకి చేరడం భారత్కు పెద్ద సవాల్గా మారింది. దక్షిణాఫ్రికాతో 1 టెస్ట్, శ్రీలంకలో 2 టెస్టులు, న్యూజిలాండ్లో 2 టెస్టులు, ఆస్ట్రేలియాతో స్వదేశంలో 5 టెస్టులు (బోర్డర్-గవాస్కర్ ట్రోఫీ) సహా భారత్కు మొత్తం 10 టెస్టులు మిగిలి ఉన్నాయి.
మిగిలిన 10 మ్యాచ్లలో భారత్ కనీసం 8 విజయాలు సాధిస్తేనే PCT 68.52% కి చేరుకుంటుంది. గత మూడు WTC సైకిల్ల రికార్డులను పరిశీలిస్తే, సురక్షితంగా ఫైనల్కు అర్హత సాధించడానికి 68% PCT అవసరం కాబట్టి, ఈ 8 విజయాల లక్ష్యం తప్పనిసరి. కేవలం 7 విజయాలు సాధిస్తే PCT 62.96% వద్ద ఆగిపోతుంది, ఇది అర్హతకు సరిపోకపోవచ్చు. అందువల్ల, WTC ఫైనల్ ఆడాలంటే టీమిండియా రాబోయే సిరీస్లలో అసాధారణ ప్రదర్శన చేసి, చిన్న పొరపాటు కూడా లేకుండా అత్యధిక మ్యాచ్లలో గెలవాల్సిన అనివార్యత ఏర్పడింది.
