హైదరాబాద్‌ (Hyderabad) నగరానికి వాతావరణ శాఖ (Weather Department) హెచ్చరిక జారీ చేసింది. మంగళవారం సాయంత్రం భారీ (Heavy) నుంచి అతిభారీ వర్షం (Very Heavy Rain) కురిసే అవకాశం ఉందని వాతావరణ శాఖ అంచనా వేస్తోంది. ఈ నేపథ్యంలో అధికార యంత్రాంగం అప్రమత్తమైంది.
ముఖ్యంగా ఆఫీసులు, ఇతర పనులు ముగిసే వేళలో వర్షం కురిసే అవకాశం ఉండటంతో ప్రజలు అప్రమత్తంగా ఉండాలని వాతావరణ శాఖ సూచించింది.
మరోవైపు, తెలంగాణ (Telangana)లోని పలు జిల్లాల్లో ఇప్పటికే ఓ మోస్తరు నుంచి భారీ వర్షాలు కురుస్తున్నాయి. రాగల మూడు రోజులు కూడా రాష్ట్రంలో భారీ వర్షాలు తప్పవని వాతావరణ శాఖ ఇదివరకే హెచ్చరికలు కూడా జారీ చేసింది.
