హైదరాబాద్ (Hyderabad) శివార్ల (Outskirts)లో ఎక్సైజ్ శాఖ (Excise Department) అధికారులు భారీ ఎత్తున నకిలీ మద్యం (Fake Liquor) తయారీ ముఠాను పట్టుకున్నారు. చీప్ లిక్కర్‌తో పాటు నాటు సారాను కలిపి, ప్రముఖ బ్రాండ్ల పేరుతో నకిలీ మద్యం తయారు చేసి విక్రయిస్తున్న ఈ ముఠా కార్యకలాపాలను అధికారులు గుర్తించారు.
ప్రముఖ బ్రాండ్ల లేబుల్స్ (Brands Labels)ను సేకరించి, చీప్ లిక్కర్‌ను ఖరీదైన మద్యం పేరుతో విక్రయిస్తున్న ఈ ముఠా పెద్ద ఎత్తున నకిలీ సీసాలను మార్కెట్లోకి పంపుతోంది. ముఖ్యంగా గ్రామీణ ప్రాంతాల్లోని షాపులకు ఈ నకిలీ మద్యాన్ని సరఫరా చేస్తున్నట్లు అధికారులు గుర్తించారు.
ఈ దాడిలో వేల లీటర్ల నకిలీ మద్యం, పెద్ద మొత్తంలో ఖాళీ సీసాలు, క్యాప్స్, ప్రముఖ బ్రాండ్ల నకిలీ లేబుల్స్ స్వాధీనం చేసుకున్నారు. నకిలీ లిక్కర్ తయారీ కోసం ఈ ముఠా ఒక చిన్నపాటి పరిశ్రమను స్థాపించి, పద్ధతిగా కార్యకలాపాలు నిర్వహిస్తున్నట్లు అధికారులు తెలిపారు.
ఈ ముఠా కార్యకలాపాలు వెలుగులోకి రావడంతో ఎక్సైజ్ అధికారులు మరింత అప్రమత్తమయ్యారు. నగరం పరిసరాల్లో ఇలాంటి నకిలీ లిక్కర్ తయారీ యూనిట్లు ఇంకా ఏమైనా ఉన్నాయా అనే దానిపై విస్తృతంగా దర్యాప్తు చేపట్టనున్నారు.
