రవితేజ (Raviteja), శ్రీలీల (Sreelila) కాంబినేషన్‌లో ‘మాస్ జాతర’ (Mass Jathara) సినిమా ఆగస్టులో థియేటర్లలో సందడి చేయనుంది. ‘ధమాకా’ వంటి బ్లాక్‌బస్టర్‌ సినిమా తర్వాత రవితేజ నటిస్తున్న తాజా చిత్రం ‘మాస్ జాతర’. భాను భోగవరపు (Bhanu Bhogavarapu) దర్శకత్వంలో రూపొందుతున్న ఈ సినిమాను సూర్యదేవర నాగవంశీ, సాయి సౌజన్య నిర్మిస్తున్నారు. ఈ చిత్రంలో రవితేజ లక్ష్మణ్ భేరి అనే ప‌వ‌ర్ ఫుల్‌ పోలీసు ఆఫీసర్ (Police Officer) పాత్రలో కనిపించనుండగా, నవీన్ చంద్ర (Naveen Chandra) విలన్‌ (Villain)గా నటిస్తున్నారు.
‘మాస్ జాతర’ సినిమా చిత్రీకరణ దాదాపు పూర్తయింది, కేవలం పాటల చిత్రీకరణ మాత్రమే మిగిలి ఉంది. ఈ సినిమాను వినాయక చవితి (Vinayaka Chavithi) సందర్భంగా ఆగస్టు చివరి వారంలో విడుదల చేయాలని నిర్మాతలు ప్లాన్ చేస్తున్నారు. చిత్రానికి భీమ్స్ సిసిరోలియో (Bheems Sisirolio) సంగీతం (Music) అందిస్తున్నారు. దీనిపై చిత్ర యూనిట్ నుంచి అధికారిక ప్ర‌క‌ట‌న వెలువ‌డాల్సి ఉంది.
