ఇండోర్‌కు (Indore) చెందిన ఓ దారుణ ఘటన (Brutal Incident) ఇప్పుడు దేశవ్యాప్తంగా సంచలనం రేపుతోంది. హనీమూన్ (Honeymoon) కోసం మేఘాలయ (Meghalaya) వెళ్లిన ఓ నూత‌న దంపతుల్లో భర్త (Husband) శవమై తేలగా, భార్యే (Wife) హంతకురాలని (Murderer) పోలీసులు తేల్చారు. షిల్లాంగ్‌ (Shillong)లో జరిగిన ఈ మిస్సింగ్ కేసు అనేక అనూహ్య మలుపులు తిరిగింది.
హనీమూన్ టూర్‌లో భర్త హత్య.. సూత్రధారి భార్యే!
మేఘాలయ హనీమూన్ టూర్‌లో ఇండోర్‌కు చెందిన రాజా రఘువంశీ (Raja Raghuvanshi) హత్యకు అతని భార్య సోనమే (Wife Sonam) సూత్రధారి అని పోలీసులు నిర్ధారించారు. కిరాయి హంతకులకు సుపారీ ఇచ్చి షిల్లాంగ్‌లో ఈ హత్యను చేయించినట్లు తేలింది. సోనమ్‌తో పాటు మధ్యప్రదేశ్‌ (Madhya Pradesh)కు చెందిన మరో ముగ్గురిని పోలీసులు అరెస్ట్ చేశారు. నిందితులు తమ నేరాన్ని అంగీకరించినట్లు పోలీసులు ప్రకటించారు.
మే 11న రఘువంశీతో సోనమ్ పెళ్లి ఘనంగా జరిగింది. మే 20న హనీమూన్ కోసం ఈ జంట ఇండోర్ నుంచి మేఘాలయకు వచ్చింది. మే 23న ఈ జంట అదృశ్యమవగా, 11 రోజుల తర్వాత జూన్ 2న చిరపుంజి సమీపంలోని ఓ జలపాతం లోయలో రఘువంశీ మృతదేహం లభ్యమైంది. అప్పటికి కనిపించని సోనమ్, 6 రోజుల తర్వాత యూపీలోని ఘాజీపూర్‌లో ప్రత్యక్షమవడంతో పోలీసులు ఆమెను అదుపులోకి తీసుకున్నారు.
అక్రమ సంబంధమే హత్యకు కారణం!
తన జీవితంలోకి ఆహ్వానించిన భర్తను హనీమూన్‌లోనే సోనమ్ ఎందుకు చంపాల్సి వచ్చింది అనే ప్రశ్నలకు పోలీసులు జవాబులు రాబట్టారు. తమ ఇంట్లో పనిచేసే, తనకంటే ఐదేళ్లు చిన్నవాడైన రాజ్ కుష్వాహా (Raj Kushwaha)తో సోనమ్ అక్రమ సంబంధం (Illegal Affair) పెట్టుకుంది. పెళ్లయ్యాక కూడా అతనితో సన్నిహితంగానే ఉంది. తమ బంధానికి ఈ వివాహం అడ్డు అవుతుందని భావించిన సోనమ్, హనీమూన్ పేరుతో భర్తను అడ్డు తొలగించుకోవాలని ప్లాన్ చేసింది.
రాజా రఘువంశీ హత్యకు ప్రధాన సూత్రధారి రాజ్ కుష్వాహానే. విక్కీ ఠాకూర్, ఆనంద్ అనే మరో ఇద్దరు అతనికి సహకరించారు. షిల్లాంగ్‌లో వీరు అపరిచితుల్లా కలిశారా, లేక సోనమ్ పరిచయం చేసిందా అనేది ఇంకా పూర్తిగా తేలాల్సి ఉంది. అయితే, తన భార్య కుట్ర తెలియని రఘువంశీ వారితో కలివిడిగా మాట్లాడాడు. ఎవరూ లేని నిర్మానుష్య ప్రదేశంలో రఘువంశీని చంపేసి లోయలో పడేశారని పోలీసులు తెలిపారు.
హత్యకు పక్కా ప్రణాళిక
మేఘాలయ హనీమూన్ ప్లానింగ్ పూర్తిగా సోనమ్‌దే. టికెట్లు కూడా తానే బుక్ చేయించింది. అయితే, రిటర్న్ టికెట్ బుక్ చేయకపోవడమే హత్య కుట్రలో ఆమె పాత్ర కీలకమని పోలీసులకు అర్థమైంది. ముగ్గురు నిందితులు దొరికిపోవడంతో సోనమ్ ఒంటరైపోయింది. ఘాజీపూర్‌ చేరుకుని రాత్రి రెండుమూడు గంటలు ఓ దాబా దగ్గర ఉండిపోయి, చివరికి పోలీసులకు లొంగిపోయింది. నిందితుల వాంగ్మూలంతో సోనమ్ సుపారీతోనే ఈ హత్య జరిగినట్లు పోలీసులు నిర్ధారించుకున్నారు.
