హోంబలే ఫిల్మ్స్ (Hombale Films) నిర్మిస్తున్న భారీ యానిమేటెడ్ చిత్రం ‘మహావతార్: నరసింహ’ (‘Mahavatar: Narasimha’) నుండి రాక్షస రాజు హిరణ్యకశిపుడి (Hiranyakashipudi) పాత్రను పరిచయం చేస్తూ తాజాగా ఓ వీడియోను విడుదల చేశారు. ఇప్పటికే విడుదలైన గ్లింప్స్‌ (Glimpses)కు మంచి ఆదరణ లభించింది. ఈ చిత్రం జులై 25న పాన్ ఇండియా రేంజ్‌లో విడుదల కానుంది.
‘కేజీఎఫ్’, ‘సలార్’, ‘కాంతార’ వంటి భారీ ప్రాజెక్ట్‌లను నిర్మించిన హోంబలే ఫిల్మ్స్, దర్శకుడు అశ్విన్ కుమార్‌ Ashwin Kumar)తో ఈ యానిమేటెడ్ చిత్రాన్ని తెరకెక్కిస్తోంది. సామ్ సీఎస్‌ ఈ మూవీకి సంగీతం అందిస్తుండగా, శిల్పా ధావన్, కుశాల్ దేశాయ్, చైతన్య దేశాయ్‌లు నిర్మిస్తున్నారు.
‘మహావతార్’ సిరీస్‌లో భాగంగా వస్తున్న తొలి సినిమా ఇదే కావడం విశేషం. ఈ కథకు సీక్వెల్‌గా ఇతర అవతారాలతో పలు సినిమాలు రానున్నాయని మేకర్స్ హింట్ ఇచ్చారు. యానిమేషన్‌లో ఈ చిత్రం ఒక బెంచ్‌మార్క్‌ను సెట్ చేస్తుందని దర్శకుడు తెలిపారు.
