సినిమా: హరిహర వీరమల్లు
న‌టీన‌టులు: పవన్ కళ్యాణ్, నిధి అగర్వాల్, నాజర్, సునీల్, సుబ్బరాజు, బాబీ డియోల్, అయ్యప్ప శర్మ, సత్యరాజ్, కోట శ్రీనివాసరావు, రఘుబాబు, పూజిత పొన్నాడ, అనసూయ, దలిప్ తహిల్, సచిన్ ఖేదేకర్ తదితరులు
నిర్మాత: ఎ.ఎం రత్నం
దర్శకత్వం: క్రిష్, జ్యోతి కృష్ణ
సంగీతం: కీరవాణి
కెమెరా: జ్ఞాన శేఖర్, మనోజ్ పరమహంస
విడుదల: 24 జూలై 2025
రేటింగ్: 2/5
పవన్ కళ్యాణ్ (Pawan Kalyan) నటించిన హరిహర వీరమల్లు (Hari Hara Veera Mallu) పార్ట్ 1 – స్వోర్డ్ వర్సెస్ స్పిరిట్ జూలై 24న థియేటర్లలో విడుదలై, సామాజిక మాధ్యమాల్లో మిశ్రమ స్పందనలను రేకెత్తిస్తోంది. 17వ శతాబ్దంలో మొగల్ సామ్రాజ్యం నేపథ్యంలో రూపొందిన ఈ చారిత్రక యాక్షన్ డ్రామా, వీరమల్లు అనే ఊహాజనిత యోధుడిగా పవన్ కళ్యాణ్ నటన, ఎంఎం కీరవాణి (M.M. Keeravani) సంగీతం, కృష్ జాగర్లమూడి (Krish Jagarlamudi) దర్శకత్వంలోని భాగాలు అభిమానులను ఆకర్షించాయి.
అయితే, ట్విట్టర్‌లో (ఎక్స్) వచ్చిన రివ్యూలు సినిమాలోని వీఎఫ్ఎక్స్ నాణ్యత, సెకండ్ హాఫ్ నత్తనడక కథనం, డబ్బింగ్ సమస్యలపై విమర్శలను వ్యక్తం చేస్తున్నాయి. ఏపీ, బెంగళూరు, ఓవర్సీస్‌లో జూలై 23న జరిగిన ప్రీమియర్ షోలు, జనసేన కార్యకర్తల ర్యాలీలతో కలిపి, సినిమాపై అంచనాలను గణనీయంగా పెంచాయి, కానీ కొన్ని అంశాలు ప్రేక్షకులను నిరాశపరిచాయి.
పవన్ కళ్యాణ్ యాక్షన్ సన్నివేశాలు, ముఖ్యంగా “పులి మేక” ఎపిసోడ్, కుస్తీ ఫైట్ సీక్వెన్స్‌లు ట్విట్టర్‌లో అభిమానుల నుంచి ప్రశంసలు అందుకున్నాయి. “అద్భుతమైన యాక్షన్ సీక్వెన్స్‌లు, వీఎఫ్ఎక్స్ షాట్స్ అద్భుతంగా ఉన్నాయి. కీరవాణి సంగీతం నిరాశపరచలేదు” అని 4.9/5 రేటింగ్ ఇచ్చారు.
సెకండ్ ఆఫ్‌లో కథనం స్లోగా సాగిపోవ‌డం, వీఎఫ్ఎక్స్ వ‌ర్క్స్‌లో ఎక్క‌డా నాణ్యత క‌నిపించ‌క‌పోవ‌డంతో తీవ్ర విమర్శలు వచ్చాయి. “వీఎఫ్ఎక్స్, సీజీ వర్క్ దారుణంగా ఉన్నాయి. గుర్రపు స్వారీ సన్నివేశాలు సైతం పవన్ అభిమానులను ఆక‌ట్టుకోలేక‌పోయాయి. ” అని ఒక నెటిజన్ ట్వీట్ చేశారు. సెకండ్ హాఫ్‌లో కథనం నీరసంగా సాగడం, డబ్బింగ్‌లో లిప్-సింక్ సమస్యలు, బాబీ దేఓల్ (ఔరంగజేబ్ పాత్ర) అండర్‌యూటిలైజేషన్ కూడా విమర్శలకు గురయ్యాయి. “సినిమా ముక్కలు ముక్కలుగా అతికినట్లుంది. సెకండ్ హాఫ్ దారుణం” అని మరో రివ్యూ పేర్కొంది.
