టాలీవుడ్ ఇండ‌స్ట్రీలో (Tollywood Industry) విడుదలకు సిద్ధంగా ఉన్న సినిమాల్లో ‘హరిహర వీరమల్లు’ (Hari Hara Veera Mallu) ఒకటి. పవన్ కల్యాణ్ (Pawan Kalyan) హీరోగా, నిధి అగర్వాల్ కథానాయికగా, దర్శకుడు జ్యోతి కృష్ణ తెరకెక్కించిన ఈ చిత్రం కోసం అభిమానులు ఆసక్తిగా ఎదురుచూస్తున్నారు. అయితే, ఈ సినిమా విడుదల ప్రక్రియలో ఊహించని సమస్యలు తలెత్తుతున్నాయని వార్తలు వస్తున్నాయి.
ఇటీవలి వరకు ఈ చిత్రం కోసం వరుస ప్రమోషన్స్ జోరుగా సాగాయి. కానీ, అకస్మాత్తుగా విడుదల విషయంలో సమస్యలు తలెత్తాయనే ఊహాగానాలు అభిమానులను కలవరపెడుతున్నాయి. ఈ సినిమా నిర్మాత ఏ.ఎం. రత్నం (A.M. Rathnam) ఈ ప్రాజెక్ట్ కోసం భారీగా ఖర్చు చేసిన సంగతి తెలిసిందే. రీసెంట్‌గా ఆయన స్వయంగా ప్రమోషన్స్‌ను కూడా నడిపించారు. అయితే, తాజాగా ఆయన ఆర్థిక ఇబ్బందుల్లో (Financial Troubles) ఉన్నారనే వార్త సినీ వర్గాల్లో చర్చనీయాంశంగా మారింది.
ఈ నేపథ్యంలో పవన్ కల్యాణ్ స్వయంగా రంగంలోకి దిగి, తాను తీసుకున్న రూ.11 కోట్ల అడ్వాన్స్ (Advance)ను నిర్మాతకు (Producer) తిరిగి ఇచ్చినట్లు (Returned) సమాచారం. ఈ చర్య ఆర్థిక సమస్యల నుంచి నిర్మాతను గట్టెక్కించడంతో పాటు, సినిమా విడుదలపై ఒత్తిడి లేకుండా సజావుగా పూర్తి చేసేందుకు తోడ్పడుతుందని పవన్ సూచించినట్లు సినీ వర్గాలు చెబుతున్నాయి. ఈ విషయం అభిమానులను ఆశ్చర్యపరిచింది.
