మార్చి నుంచి వాహనాల రిజిస్ట్రేషన్లు, బదిలీలు మరియు ఇతర పౌరసేవలను మరింత సులభతరం చేసే వాహన్ పోర్టల్ గ్రేటర్ పరిధిలో వినియోగంలోకి రానుంది. మొదట సికింద్రాబాద్లో ప్రయోగాత్మకంగా ప్రారంభించిన తర్వాత మిగతా రవాణా కార్యాలయాల్లోకి విస్తరించనున్నారు. ఆర్టీఏ అధికారులు, ఉద్యోగులు మరియు ఆటోమొబైల్ డీలర్లకు ఈ సాంకేతిక పరిజ్ఞానంపై మార్చి 16 నుంచి శిక్షణ ఇవ్వనున్నారు.
వాహన్ పోర్టల్లో గరిష్టంగా 52 రకాల సర్వీసులు అందుబాటులో ఉంటాయి. షోరూమ్ రిజిస్ట్రేషన్లతో ప్రారంభమైన తరువాత, అంతర్రాష్ట్ర బదిలీలు, జిల్లాల మధ్య వాహనాల బదిలీలు, యాజమాన్య బదిలీలు వంటి సేవలు కూడా ఆన్లైన్లో అందుబాటులోకి వస్తాయి.
గ్రేటర్ పరిధిలో ఉన్న 89 లక్షల వాహనాల వివరాలు మొత్తం వాహన్ పోర్టల్లో నిక్షిప్తం చేయబడతాయి. కొత్తగా నమోదు అయ్యే ప్రతి వాహనం కూడా ఆన్లైన్లో మాత్రమే వినియోగదారుడికి అందుతుంది. దీంతో వాహనదారులు ఆర్టీఏ కార్యాలయాలకు వెళ్లాల్సిన అవసరం లేకుండా, డ్రైవింగ్ లైసెన్స్ రీన్యువల్స్, డూప్లికేట్ లైసెన్సులు, చిరునామా/వాహన బదిలీలు, ఫీజుల చెల్లింపులు, పర్మిట్స్ వంటి అన్ని సర్వీసులు ఆన్లైన్ ద్వారా పొందవచ్చు. అంతే కాకుండా, రోడ్డు ప్రమాదాలు లేదా వాహన చోరీ వంటి సందర్భాల్లో వాహనాల జాడను తేలిగ్గా కనుగొనవచ్చు. వాహన్ పూర్తిస్థాయి రూపంలో పనిచేస్తే, వినియోగదారులకు పేపర్ వర్క్ తగ్గి, సౌకర్యం మరియు పారదర్శకత పెరుగుతుంది.
