తెలంగాణ రాష్ట్రంలో (Telangana State) హోటల్ పరిశ్రమ తీవ్ర సంక్షోభంలో చిక్కుకుంది. అంతర్జాతీయ యుద్ధ పరిస్థితుల ప్రభావంగా రాష్ట్ర వ్యాప్తంగా కమర్షియల్ గ్యాస్ (Commercial Gas) సరఫరా నిలిచిపోవడం హోటళ్లను (Hotels) పెద్ద ఎత్తున ప్రభావితం చేస్తోంది. దీంతో తెలంగాణ హోటల్స్ అసోసియేషన్ (Telangana Hotels Association) రాష్ట్రంలో హోటళ్లు మూసివేసి (బంద్) తమ ఆందోళన వ్యక్తం చేయాలని యోచిస్తోంది. ఈ నేపథ్యంలో అసోసియేషన్ ప్రతినిధులు హైదరాబాద్లో అత్యవసర సమావేశం ఏర్పాటు చేశారు. ఇరాన్-ఇజ్రాయెల్ (Iran–Israel), యూఎస్ (US) యుద్ధం(War) కారణంగా దేశ వ్యాప్తంగా గ్యాస్ కొరత ఏర్పడిందని, అది హోటళ్ల కార్యకలాపాలను నిలిపేస్తోందని అసోసియేషన్ వెల్లడించింది
. ఇప్పటికే బెంగళూరు (Bengaluru), ముంబై (Mumbai) వంటి నగరాల్లో హోటల్స్ బంద్ (Hotels Shutdown) నిర్వహించబడ్డాయి. తెలంగాణలో (Telangana) కూడా అదే రీతిలో కార్యకలాపాలను నిలిపివేసి, హోటల్ యజమానులు తమ సమస్యను ప్రభుత్వ దృష్టికి తీసుకెళ్లాలని యోచిస్తున్నారు. అసోసియేషన్ అధ్యక్షుడు వెంకటరెడ్డి (Venkata Reddy) మాట్లాడుతూ.. “హోటల్ పరిశ్రమకు గ్యాస్ ప్రాణవాయువు. నిల్వలు పూర్తిగా తగ్గిపోవడంతో సిబ్బంది కూడా వంట చేయలేకపోతున్నారు. కేంద్ర, రాష్ట్ర ప్రభుత్వాలు తక్షణమే ప్రత్యామ్నాయ ఏర్పాట్లు చేయాలి.
లేకపోతే హోటళ్లు శాశ్వతంగా మూసివేయాల్సి వస్తుంది” అని హెచ్చరించారు. ఈ సమావేశంలో హోటల్ యజమానులు సమస్యను ప్రభుత్వానికి తెలియజేసి, తదుపరి ఆందోళనల ప్రణాళికను రూపొందించారు. గ్యాస్ సరఫరా పునరుద్ధరించకపోతే ప్రజలకు ఆహారం అందించడం కష్టమవుతుందని, వేలాది మంది కార్మికుల ఉపాధి ప్రభావితమవుతుందనేది హోటల్ పరిశ్రమ ఆందోళన.
