ఇంగ్లండ్ జట్టుకు భారీ షాక్ త‌గిలింది. భారత్‌తో జరగబోయే కీలక వైట్‌బాల్ సిరీస్‌లకు, అలాగే ఛాంపియన్స్ ట్రోఫీ 2025 ముందు స్టార్ ప్లేయ‌ర్, టెస్ట్ కెప్టెన్ బెన్ స్టోక్స్ గాయం కారణంగా జట్టుకు దూరమయ్యాడు.
న్యూజిలాండ్ టెస్ట్ సిరీస్‌లో గాయం
33 ఏళ్ల స్టోక్స్ న్యూజిలాండ్‌తో జరిగిన టెస్ట్ సిరీస్‌లో గాయపడి, ప్రస్తుతం కోలుకునే ప్రయత్నాల్లో ఉన్నాడు. భవిష్యత్తులో భారత్‌తో జరగబోయే సిరీస్, యాషెస్ సిరీస్ 2025-26 కోసం అతడికి విశ్రాంతి కల్పించినట్లు తెలుస్తోంది. ఇది ఇంగ్లండ్ జట్టుకు పెద్ద దెబ్బగా మారింది, ఎందుకంటే స్టోక్స్ జట్టులో కీలక పాత్ర పోషిస్తాడు.
ఈ గాయం నేపథ్యంతో ఇంగ్లండ్ జట్టు బ్యాలన్స్ కోల్పోతుందా అనే సందేహాలు వ్యక్తమవుతున్నాయి. బెన్ స్టోక్స్ త్వరలో కోలుకుని మళ్లీ జట్టులో చేరతాడని అభిమానులు ఆశిస్తున్నారు.
