భర్త హత్య కేసులో రిమాండ్‌లోకి వెళ్లిన మహిళా ఖైదీ వారం రోజుల్లోనే జైలులో ఉరేసుకుని ఆత్మహత్య (Suicide) చేసుకున్న ఘటన కలకలం రేపుతోంది. ఏలూరు (Eluru) జిల్లా జైలు (jail) లో ఆదివారం ఉదయం శాంతికుమారి (Shantikumari) (29) అనే ఖైదీ చున్నీతో బ్యారక్ (Barrack) కిటికీకి ఉరివేసుకుని ప్రాణాలు విడిచింది.
శాంతికుమారి భర్త గంధం బోసు (Gandham Bosu) (31) మార్చి 18న గుర్తుతెలియని వ్యక్తుల దాడిలో తీవ్రంగా గాయపడి, చికిత్స పొందుతూ మరుసటి రోజు మృతిచెందాడు. విచారణలో, ఆమె తన ప్రియుడు సొంగా గోపాల్‌ (Songa Gopal) తో కలిసి భర్త హత్యకు కుట్ర చేశారని పోలీసులు అనుమానించారు. మార్చి 24న ఆమెను అరెస్టు చేసి జైలుకు పంపారు. అయితే, భర్త మృతికి తనకు సంబంధం లేదని, రాజకీయ నాయకుల బెదిరింపుల వల్లే అతను హత్యకు గురయ్యాడని శాంతికుమారి ఆరోపించిందని కుటుంబసభ్యులు చెబుతున్నారు.
జైలు అధికారులపై చర్యలు
ఈ ఆత్మహత్య నేపథ్యంలో, జైలు సిబ్బంది అలర్ట్ కాకపోవడం పట్ల అధికారుల స్పందన వచ్చింది. మహిళా బ్యారెక్‌ వద్ద విధులు నిర్వహించిన హెడ్ వార్డర్ ఎల్. వరలక్ష్మి (L. Varalakshmi), వార్డర్ నాగమణి (Nagamani) లను సస్పెండ్ చేస్తూ జైలు సూపరింటెండెంట్‌ సీహెచ్‌ఆర్‌వీ స్వామి (CHRV Swami) ఆదేశాలు జారీ చేశారు. వన్‌టౌన్ పోలీసులు కేసు నమోదు చేసి దర్యాప్తు చేస్తున్నారు.
