ప్రపంచ కుబేరుడు ఎలన్ మస్క్ (Elon Musk) మరో సంచలన నిర్ణయం తీసుకున్నారు. తన యాజమాన్యంలో ఉన్న సోషల్ మీడియా ప్లాట్‌ఫామ్ ‘ఎక్స్’ (ట్విట్టర్)ను తన స్వంత xAI ఆర్టిఫిషియల్ ఇంటెలిజెన్స్ కంపెనీకి 33 బిలియన్ డాలర్లకు ఆల్-స్టాక్ డీల్ (All-Stock Deal) రూపంలో విక్రయించినట్లు ప్రకటించారు.
ఎందుకు ఈ విక్రయం?
xAI విలువను 80 బిలియన్ డాలర్లుగా మస్క్ అంచనా వేశారు. ‘ఎక్స్’లో అధునాతన ఏఐ (AI) ఫీచర్లను ప్రవేశపెట్టడం ద్వారా మరింత వినూత్నమైన అనుభూతిని అందించవచ్చని మస్క్ తెలిపారు. ఈ విలీనంతో సమాచారం మ‌రియు కృత్రిమ మేధస్సును అనుసంధానం చేసి మరింత మెరుగైన ఫలితాలు అందించగలమనే ఉద్దేశంతో ఈ నిర్ణయం తీసుకున్నట్లు వెల్లడించారు.
మస్క్ స్ట్రాటజీ & భవిష్యత్ ప్రణాళిక
2022లో మస్క్ 44 బిలియన్ డాలర్లకు ట్విట్టర్‌ను కొనుగోలు చేసి, సంస్థలో భారీ మార్పులు చేశారు. ఉద్యోగులను తొలగించి, “X” పేరుతో రీబ్రాండ్* చేశారు. 2023లో xAIను ప్రారంభించి, AIతో అనుసంధానించడానికి ప్రయత్నాలు ప్రారంభించారు. ప్రస్తుతం అమెరికా అధ్యక్షుడు ట్రంప్ (Trump) సలహాదారుడిగా వ్యవహరిస్తూ, టెస్లా (Tesla), స్పేస్‌ఎక్స్ (SpaceX) కంపెనీలకు కూడా నాయకత్వం వహిస్తున్నారు. ఈ డీల్ ద్వారా మస్క్ ఎక్స్ మ‌రియు xAIని కలిపి భవిష్యత్తులో మరింత శక్తివంతమైన AI & సోషల్ మీడియా అనుసంధానాన్ని సృష్టించాలని భావిస్తున్నారు. ఇది ప్రపంచవ్యాప్తంగా టెక్ రంగాన్ని ప్రభావితం చేసే నిర్ణయంగా భావిస్తున్నారు.
