కోల్కతా (Kolkata)లో జరుగుతున్న భారత్ (India), దక్షిణాఫ్రికా (South Africa) తొలి టెస్ట్లో రెండో రోజు అనూహ్య మలుపులు చోటుచేసుకున్నాయి. బౌలర్కు అనుకూలించిన పిచ్పై ఒక్క రోజులోనే ఏకంగా 16 వికెట్లు నేలకూలాయి. దక్షిణాఫ్రికా తొలి ఇన్నింగ్స్లో 159 పరుగులకే ఆలౌట్ కాగా, భారత స్టార్ పేసర్ జస్ప్రీత్ బుమ్రా 5 వికెట్లతో సంచలనం సృష్టించాడు. అనంతరం భారత్ కేవలం 189 పరుగులకే కుప్పకూలడంతో మొదటి ఇన్నింగ్స్ ఆధిక్యం 30 పరుగులకే పరిమితమైంది. దక్షిణాఫ్రికా బౌలర్లు హర్మర్ (4/30), జాన్సెన్ (3/35) అద్భుతంగా బౌలింగ్ చేసి భారత్కు భారీ లీడ్ రాకుండా అడ్డుకున్నారు.
రెండో ఇన్నింగ్స్లో దక్షిణాఫ్రికా బ్యాటింగ్ మరింత కష్టాల్లో పడింది. రెండో రోజు ఆట ముగిసే సమయానికి సఫారీ జట్టు 7 వికెట్ల నష్టానికి 93 పరుగులు మాత్రమే చేసింది. భారత స్పిన్నర్ రవీంద్ర జడేజా 4 వికెట్లు తీసి దక్షిణాఫ్రికా టాప్ ఆర్డర్ను కూల్చగా, కుల్దీప్ యాదవ్ 2 వికెట్లు పడగొట్టాడు. కెప్టెన్ బవుమా (29 నాటౌట్) మాత్రమే ఒంటరి పోరాటం చేస్తున్నాడు. శుభ్మన్ గిల్ గాయంతో రిటైర్డ్ హర్ట్ కావడం భారత్కు కొంత ఆందోళన కలిగించింది.
ప్రస్తుతం దక్షిణాఫ్రికాకు కేవలం 63 పరుగుల స్వల్ప ఆధిక్యం మాత్రమే ఉంది. చేతిలో కేవలం మూడు వికెట్లు మాత్రమే ఉండటంతో, ఈ మ్యాచ్ మూడో రోజు తొలి సెషన్లోనే ఫలితం దిశగా వెళ్లే అవకాశం స్పష్టంగా కనిపిస్తోంది. బుమ్రా, జడేజా అద్భుత ప్రదర్శనలతో ఈడెన్ టెస్ట్లో భారత్ పట్టు బిగించింది.
