“నాకు దర్శకత్వం వహించిన ‘పక్కా కమర్షియల్‌’ (Pakka Commercial) సినిమా అంతగా ప్రేక్షకాదరణ పొందలేదు. దీంతో మా కాంబినేషన్‌లో (ప్రభాస్–మారుతి) మూవీ అనుకున్న ప్రొడ్యూసర్ డ్రాప్ అయ్యారు. కానీ, అలాంటి టైమ్‌లో నాకు సపోర్ట్‌ (Support)గా నిలిచిన ఒకే ఒక వ్యక్తి ప్రభాస్‌గారు (Prabhas Garu). అందుకే ‘ది రాజా సాబ్‌’ (The Raja Saab) ను ఒక సవాల్‌ (Challenge)గా తీసుకుని సినిమా చేయాలని నిర్ణయించుకున్నాను” అని డైరెక్టర్ మారుతి (Maruthi) తెలిపారు.
‘ది రాజా సాబ్‌’ గురించి..
ప్రభాస్ హీరోగా మారుతి దర్శకత్వంలో తెరకెక్కుతున్న చిత్రం ‘ది రాజా సాబ్‌’. ఈ సినిమాలో నిధీ అగర్వాల్ (Nidhhi Agerwal), మాళవికా మోహనన్ (Malavika Mohanan) హీరోయిన్లుగా నటిస్తున్నారు. పీపుల్ మీడియా ఫ్యాక్టరీ (People Media Factory) పతాకంపై టీజీ విశ్వప్రసాద్ (TG. Vishwa Prasad) నిర్మిస్తున్న ఈ సినిమా డిసెంబరు 5న విడుదలకానుంది.
హైదరాబాద్‌లో సోమవారం నిర్వహించిన ఈ సినిమా టీజర్ (Teaser) లాంచ్ ఈవెంట్‌లో మారుతి మాట్లాడుతూ–”ప్రభాస్‌గారిని ‘బుజ్జిగాడు’ సినిమా స్టైల్‌లో ‘ది రాజా సాబ్‌’ ద్వారా వింటేజ్ లుక్‌లో చూపిస్తున్నాం. కొంత షూటింగ్, సాంగ్స్ బ్యాలెన్స్ ఉన్నాయి” అన్నారు.
చిత్ర బృందం వ్యాఖ్యలు
నిర్మాత టీజీ విశ్వప్రసాద్ మాట్లాడుతూ–”మా సంస్థ నుంచి వస్తున్న బిగ్గెస్ట్ ఫిల్మ్ ‘ది రాజా సాబ్‌’. ఈ సినిమా కోసం బిగ్గెస్ట్ ఇండోర్ సెట్ వేశాం. 40 నిమిషాల క్లైమాక్స్ ఎపిసోడ్ ఈ చిత్రానికి హైలైట్‌గా నిలుస్తుంది. ఈ మూవీకి సీక్వెల్ పాన్ వరల్డ్ స్థాయిలో ఉంటుంది” అన్నారు. ఈ వేడుకలో ‘ది రాజా సాబ్‌’ క్రియేటివ్ ప్రొడ్యూసర్ ఎస్‌కేఎన్, ఎగ్జిక్యూటివ్ ప్రొడ్యూసర్ కృతి, కెమెరామెన్ కార్తీక్ పళని, ప్రొడక్షన్ డిజైనర్ రాజీవన్ కూడా మాట్లాడారు.
