దేశ రాజధాని ఢిల్లీ (Delhi) మరోసారి భయాందోళనకు గురైంది. ఇటీవల చోటుచేసుకున్న కార్ బ్లాస్ట్ (Car Blast) దేశవ్యాప్తంగా కలకలం రేపింది. ఇప్పటికే పహల్గామ్ (Pahalgam) ఉగ్రదాడి షాక్ నుంచి కోలుకోకముందే, ఢిల్లీలో మళ్లీ బాంబు పేలుడు జరగడం ఆందోళన కలిగిస్తోంది. ఈ ఘటనలో ఇప్పటివరకు 12 మంది మృతి చెందగా, మరికొంత మంది ఆస్పత్రుల్లో చికిత్స పొందుతున్నారు.
దర్యాప్తు సంస్థలు ఇప్పటికే కీలక ఆధారాలు (Crucial Evidence) సేకరించాయి. కారులో ఐఈడీ (Improvised Explosive Device – IED)ని తరలించే సమయంలో ప్రమాదవశాత్తు పేలుడు జరిగిందని అనుమానం వ్యక్తమవుతోంది. సోమవారం ఉదయం హర్యానా (Haryana)*లోని ఫరీదాబాద్ (Faridabad) ప్రాంతంలో బాంబ్ తయారీలో ఉపయోగించే 2,900 కిలోల రసాయనం (Explosive Chemicals) స్వాధీనం అయ్యింది. దీనితో అనుమానితుల్లో భయం మొదలైందని అధికారులు చెబుతున్నారు.
ఎర్రకోట (Red Fort) సమీపంలో అనుమానితులు భయంతో దారుణ నిర్ణయాలు తీసుకున్నట్లు భావిస్తున్నారు. ఆ సమయంలో ఐఈడీ తప్పుగా అమర్చబడడం వల్ల ఈ పేలుడు సంభవించిందని నిఘా వర్గాలు సూచిస్తున్నాయి.
నిందితుడు ఉమర్ నబీ ఎవరు..?
కారు నడిపిన ప్రధాన నిందితుడు డాక్టర్ ఉమర్ నబీ (Dr. Umar Nabi)గా గుర్తించారు. అతను జమ్మూ కాశ్మీర్ (Jammu & Kashmir)కు చెందిన వైద్యుడు. పేలుడు జరిగే మూడు రోజుల ముందు నుంచే అతని ఫోన్ స్విచ్ఛాఫ్ చేసి, అజ్ఞాతంలోకి వెళ్లిపోయాడు. కుటుంబ సభ్యులతో కూడా ఎలాంటి సంప్రదింపులు జరపలేదని సమాచారం. ప్రస్తుతం దర్యాప్తు సంస్థలు ఉమర్ నబీ మిస్ట్రీను ఛేదించేందుకు ప్రయత్నిస్తున్నాయి. ఘటన వెనుక ఇంకా ఎన్ని మలుపులు ఉన్నాయో తెలుసుకోవడానికి ఇన్వెస్టిగేషన్ కొనసాగుతోంది.
