తోపుడు బండిపై మృత‌దేహం తరలింపు.. సీఎం నియోజకవర్గంలో దారుణం

ముఖ్య‌మంత్రి (Chief Minister) నియోజ‌క‌వ‌ర్గం(Constituency)లో అమాన‌వీయ సంఘ‌ట‌న చోటుచేసుకుంది. రోడ్డు ప్ర‌మాదంలో మృతిచెందిన యువ‌కుడిని తోపుడు బండి (Push Cart)పై త‌ర‌లించిన హృదయవిదారక ఘటన నారాయణపేట జిల్లా కోస్గి పట్టణంలో జ‌రిగింది. మృతదేహాన్ని (Dead Body) పోలీసులు(Police) ఆస్పత్రికి తరలించే క్రమంలో అంబులెన్స్ లేకపోవడంతో తోపుడు బండిని వాడిన దృశ్యాలు సోష‌ల్ మీడియాలో వైర‌ల్‌గా మారాయి. ఇది ముఖ్యమంత్రి (Chief Minister) రేవంత్‌రెడ్డి (Revanth Reddy) సొంత నియోజకవర్గంలో ప్రజలంతా చూస్తుండగానే జరిగిన ఈ ఘటనపై విమర్శలు వెల్లువెత్తుతున్నాయి.

ఘటన వివరాలు
వికారాబాద్ జిల్లా దౌల్తాబాద్ మండలానికి చెందిన మొగులయ్య (Mogulayya) (28) భార్యా పిల్లలతో కలిసి కోస్గిలో అత్తగారింట్లో ఉంటూ వ్యవసాయ పనులు చేసేవాడు. ఆదివారం ద్విచక్రవాహనంపై బస్టాండ్ వైపు వెళ్తుండగా టిప్పర్ ఢీకొట్టడంతో అక్కడికక్కడే మృతి చెందాడు. సమాచారం అందుకున్న పోలీసులు మృతదేహాన్ని అర కిలోమీటరు దూరంలో ఉన్న ప్రభుత్వ ఆస్పత్రి (Government Hospital)కి తరలించేందుకు అంబులెన్స్ (Ambulance) లేకపోవడంతో సంతలో నిమ్మకాయలు అమ్ముతున్న ఓ చిరువ్యాపారికి చెందిన తోపుడు బండిని అతని అనుమతి లేకుండా తీసుకొని మృతదేహాన్ని తరలించారు. ఈ దృశ్యం చూసిన స్థానికులు ఆశ్చర్యపోయారు. కొందరు వీడియోలు తీసి “సీఎం సొంత ఇలాకాలో ఇదీ పరిస్థితి” అంటూ వాట్సాప్ గ్రూపుల్లో షేర్ చేయడంతో ఘటన చర్చనీయాంశమైంది.

పోలీసుల వివరణ
స్థానిక ఎస్‌ఐ(SI) బాలరాజు (Balaraju) సెలవులో ఉన్నానని పేర్కొనగా, ఇన్‌ఛార్జి ఏఎస్‌ఐ(ASI) ఆంజనేయులు (Anjaneyulu) మాట్లాడుతూ.. మృతుని కుటుంబ సభ్యులు అందుబాటులో లేకపోవడం, అంబులెన్స్ సమయానికి రాకపోవడం వల్లనే తోపుడు బండిని ఉపయోగించాల్సి వచ్చిందని స్పష్టం చేశారు.