సిగరెట్ కారణంగా ఓ వృద్ధుడు ప్రాణాలు కోల్పోయాడు. కృష్ణా జిల్లా గుడివాడలో ఈ విషాద సంఘటన చోటు చేసుకుంది. సిగరెట్ అలవాటే అతడి జీవితానికి ఘోరాంతం తెచ్చింది. గుడివాడ ద్రోణాదులవారి వీధికి చెందిన చల్లా వెంకటేశ్వరరావు (71) అనారోగ్యంతో మంచానికి పరిమితమయ్యారు. అయితే, సిగరెట్ అలవాటు మాత్రం విడవలేదు. ఒకరోజు సిగరెట్ వెలిగించి నిద్రలోకి జారుకోవడంతో మంటలు అంటుకున్నాయి.
ఆ సమయంలో భార్య ఇంట్లో లేనందున మంటలు మరింతగా వ్యాపించాయి. తిరిగి ఇంటికి వచ్చిన భార్య ఇరుగు పొరుగువారితో సహాయం చేయగా, వెంకటేశ్వరరావును 108 వాహనంలో ప్రభుత్వ ఆసుపత్రికి తరలించారు. కానీ, చికిత్స పొందుతూ అతడు మరణించాడు. ఈ ఘటన స్థానికంగా విషాదం నింపింది.
