చికాగో సౌత్ ఏషియన్ ఫిల్మ్ ఫెస్టివల్‌కు (CSAFF) మూడు భారతీయ చిత్రాలు ఎంపికయ్యాయి. ప్రఖ్యాత ఫ్యాషన్ డిజైనర్ మనీష్ మల్హోత్రా నిర్మించిన ‘సాలీ మొహబ్బత్’, ‘బన్ టిక్కీ’, మరియు ‘ఘమసాన్’ చిత్రాలు ఈ ఫెస్టివల్‌లో ప్రదర్శితం కానున్నాయి. జియో స్టూడియోస్ సహకారంతో తమ చిత్రాలు CSAFF-2025లో ప్రదర్శితం కావడం చాలా గర్వకారణమని మల్హోత్రా ప్రకటించారు.
సినిమాల వివరాలు:
సాలీ మొహబ్బత్: నటి రాధికా ఆప్టే నటించిన ఈ చిత్రం గృహహింస, భావోద్వేగాల నేపథ్యంలో రూపొందింది. ఈ చిత్రానికి టిస్కా చోప్రా దర్శకత్వం వహించగా, దివ్యేందు మరియు శరత్ సక్సేనా కీలక పాత్రల్లో నటించారు.
బన్ టిక్కీ: ఏడు సంవత్సరాల బాలిక శాను కథగా ఈ చిత్రం తెరకెక్కింది. ఇందులో పిల్లల మనోవికాసం, ప్రేమ వంటి సున్నితమైన అంశాలను చూపించారు.
ఘమసాన్: గ్రామీణ కథాంశంతో ఈ చిత్రం రూపొందింది.
ఈ మూడు చిత్రాలను జియో స్టూడియోస్ విడుదల చేయనుంది. 2010లో ప్రారంభమైన ఈ ఫిల్మ్ ఫెస్టివల్‌లో భారతదేశం, పాకిస్తాన్, బంగ్లాదేశ్, నేపాల్, శ్రీలంక మరియు భూటాన్‌తో సహా దక్షిణాసియా దేశాల నుంచి వచ్చిన ఫీచర్ ఫిల్మ్స్, షార్ట్ ఫిల్మ్స్ మరియు డాక్యుమెంటరీలు ప్రదర్శించబడతాయి.
