ముఖ్యమంత్రి (Chief Minister) చంద్రబాబు నాయుడు (Chandrababu Naidu) నివాసానికి (Residence) సమీపంగా జరిగిన ఒక కారు ప్రమాదం (Car Accident) స్థానికంగా సంచలనం సృష్టించింది. ఈ ప్రమాదంలో ఒక కారు అదుపు తప్పి పొలాల్లోకి దూసుకెళ్లి బోల్తాపడింది. ఈ కారు సెక్రటేరియట్‌ (Secretariat) లో పనిచేసే ఒక ఉద్యోగి (Employee)కి చెందినదిగా పోలీసులు గుర్తించారు. సీఎం నివాసానికి వెళ్లే కరకట్ట (Karakatta) ఇరుకు రోడ్డులో ఈ సంఘటన చోటు చేసుకోవ‌డం స్థానికంగా చ‌ర్చ‌నీయాంశంగా మారింది.
ప్రమాద వివరాలు
శుక్ర‌వారం తెల్ల‌వారుజామున కురిసిన వర్షం కారణంగా కరకట్ట రోడ్డుపై బంకమట్టి పేరుకుపోయిందని, దీని వల్ల కారు అదుపు తప్పినట్లు పోలీసులు ప్రాథమికంగా అంచనా వేస్తున్నారు. ఈ ప్రమాదంలో కారు రోడ్డు పక్కనే ఉన్న పొలాల్లోకి వెళ్లి బోల్తా కొట్టింది. సంఘటన సమాచారం అందుకున్న వెంటనే పోలీసులు సంఘటనా స్థలానికి చేరుకుని కారును బయటకు తీశారు. అదృష్టవశాత్తూ, ప్రమాద సమయంలో కారులో ప్రయాణిస్తున్న వారికి పెద్దగా గాయాలు కాలేదు. ఈ విషయం తెలిసిన అధికారులు ఊపిరి పీల్చుకున్నారు. ప్రమాదం ముఖ్యమంత్రి నివాసానికి సమీపంగా జరగడంతో స్థానికంగా ఈ సంఘటన గురించి చర్చ జరుగుతోంది.
కరకట్ట రోడ్డు ఇరుకుగా ఉండ‌డం కూడా ప్ర‌మాదానికి ప్ర‌ధాన కారణంగా తెలుస్తోంది. ఇరుకు ర‌హ‌దారిపై రాక‌పోక‌లు సాగించాలంటేనే ఇబ్బందిక‌రంగా ఉంటుంది. మార్గ‌మ‌ధ్య‌లో ఎదుర‌య్యే బ్రిడ్జీల వ‌ద్ద ప‌రిస్థితి అత్యంత దారుణం. ఎదురుగా వ‌స్తున్న వాహ‌నం బ్రిడ్జ్ దాటితే త‌ప్ప ఇటువైపున ఉన్న వాహ‌నం వెళ్ల‌లేని దుస్థితి. కరకట్ట రోడ్డుకు వీఐపీల తాకిడి ఎక్కువ‌గా ఉన్న‌ప్ప‌టికీ దాన్ని డ‌బుల్ రోడ్డుగా విస్త‌రించ‌క‌పోవ‌డం గ‌మ‌నార్హం. కరకట్ట రోడ్డును విస్త‌రించాల‌నే డిమాండ్ చాలాకాలంగా ఉంది.
