ఆంధ్రప్రదేశ్‌లోని కూట‌మి ప్రభుత్వం గ్రామ, వార్డు సచివాలయాల్లో పనిచేసే ఉద్యోగుల కోసం కీలక నిర్ణయం తీసుకుంది. ఇకపై ఉద్యోగుల వేతనాలు బయోమెట్రిక్ హాజరు ఆధారంగానే ఇవ్వాలని అధికారిక ఆదేశాలు జారీచేసింది. గ్రామ, వార్డు సచివాలయ శాఖ డీడీవోలకు ఈ మేరకు స్పష్టమైన మార్గదర్శకాలను అందజేసింది.
మొబైల్ యాప్ హాజరుకు మాత్రమే చెల్లింపు
ఉద్యోగులు మొబైల్ యాప్ ద్వారా నమోదు చేసిన హాజరునే పరిగణనలోకి తీసుకోవాలని తెలిపింది. బయోమెట్రిక్ హాజరుతో అనుసంధానం చేయడం ద్వారా ఉద్యోగుల పనితీరును సమీక్షించవచ్చని, పారదర్శకతను మెరుగుపరచవచ్చని ప్రభుత్వం భావిస్తోంది.
ఉద్యోగుల కోసం కొత్త మార్గదర్శకాలు
ఈ విధానం ద్వారా విధులకు హాజరు విషయంలో బాధ్యతతో కూడిన పని పద్ధతులు అమలు కానున్నాయి. హాజరును నిర్లక్ష్యం చేయడం వల్ల వేతనాల్లో ఆలస్యం, కోతలు ఎదురవుతాయని అధికారులు హెచ్చరించారు.
