తెలుగు రాష్ట్రాల్లో ఘనంగా భోగి సంబరాలు

తెలుగు రాష్ట్రాల్లో ప్రజలు భోగి పండుగను ఘ‌నంగా జరుపుకుంటున్నారు. తెల్లవారుజామునే భోగి మంటలు వేసి కుటుంబ సభ్యులతో కలిసి భోగి మంట‌ల ముందు పాటలు పాడుతూ, డ్యాన్స్‌లు చేస్తూ ప్రజలంతా సంబరాల్లో మునిగిపోయారు. తెల్ల‌వారు జామునే మ‌హిళ‌లు తీరొక్క ముగ్గుల‌తో, గొబ్బెమ్మ‌ల‌తో వాకిళ్ల‌ను ముస్తాబు చేశారు. ఉద‌యాన్ని భోగిపండ్ల‌తో సాన్నం చేసి భక్తులు ఆలయాలకు తరలివెళ్లి ప్రత్యేక పూజల్లో పాల్గొంటున్నారు. సంక్రాంతి పండుగ నేప‌థ్యంలో న‌గ‌రాల్లో నివ‌సిస్తున్న వారంతా ప‌ల్లెల‌కు చేరారు. హరిదాసులతో పాటు అలంకరించిన బసవన్నలు రాక‌తో ప‌ల్లెల్లో పండుగ సంద‌డి నెల‌కొంది.