ఈ ఏడాది నైరుతి రుతుపవనాలు (Southwest Monsoon Winds) ముందుగానే రావడంతో ఆంధ్రప్రదేశ్ (Andhra Pradesh), తెలంగాణ (Telangana)లో విస్తృతంగా వర్షాలు (Rains) కురిశాయి. ఎడతెరిపి లేకుండా రోజుల తరబడి భారీ వర్షాలు కురవడంతో ప్రజలు ఎండాకాలం ముగిసినట్లే భావించారు. అయితే, గత నాలుగైదు రోజులుగా సూర్యుడు (Sun) తన ప్రతాపం చూపిస్తున్నాడు.
తెలుగు రాష్ట్రాల్లో భిన్న వాతావరణ పరిస్థితులు కనిపిస్తున్నాయి. రోహిణి కార్తెలో భయంకరమైన ఎండలు కాస్తాయని భయపడుతుండగా, నైరుతి రుతుపవనాలు ముందుగా వచ్చి భారీ వర్షాలతో ఉపశమనం కల్పించాయి. కానీ, రుతుపవనాలు మందగించడంతో గత రెండు రోజులుగా తెలంగాణ, కోస్తాంధ్ర జిల్లాల్లో ఎండల తీవ్రత పెరిగింది. ఉక్కపోతతో ప్రజలు అవస్థలు పడుతున్నారు. నైరుతి రుతుపవనాల మందగమనం వల్ల ఉష్ణోగ్రతలు పెరిగాయని, పశ్చిమ దిశ నుంచి వేడి పొడి గాలులు వీస్తున్నాయని వాతావరణ శాఖ తెలిపింది.
తెలంగాణలో వాతావరణం
హైదరాబాద్ (Hyderabad) వాతావరణ కేంద్రం (Weather Center) ప్రకారం, తెలంగాణ (Telangana)లో ఈ వాతావరణ పరిస్థితులు మరో ఐదు రోజులు కొనసాగనున్నాయి. పశ్చిమ మరియు నైరుతి దిశల నుంచి కింది స్థాయి గాలులు వీస్తుండటంతో, రాబోయే ఐదు రోజుల్లో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉంది. జూన్ 4, 2025 (గురువారం) జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ, జనగాం, సిద్ధిపేట, యాదాద్రి భువనగిరి, రంగారెడ్డి, హైదరాబాద్, మేడ్చల్ మల్కాజిగిరి, వికారాబాద్, సంగారెడ్డి, మెదక్, కామారెడ్డి, మహబూబ్‌నగర్, నాగర్ కర్నూల్, వనపర్తి, నారాయణపేట, జోగులాంబ గద్వాల్ జిల్లాల్లో గంటకు 30-40 కి.మీ. వేగంతో ఈదురు గాలులతో కూడిన మోస్తరు వర్షాలు కురిసే అవకాశం ఉంది. రాబోయే రెండు రోజుల్లో ఉష్ణోగ్రతలు స్వల్పంగా పెరుగుతాయని, నల్గొండలో గరిష్ఠంగా 38.5°C, మహబూబ్‌నగర్‌లో కనిష్ఠంగా 32.5°C నమోదయ్యే అవకాశం ఉందని వాతావరణ శాఖ స్పష్టం చేసింది. అక్కడక్కడ జల్లులు కురిసే అవకాశం కూడా ఉంది.
ఆంధ్రప్రదేశ్‌లో వాతావరణం
ఏపీ (Andhra Pradesh)లో రుతుపవనాలు మందగించడంతో వేసవి పరిస్థితులు తిరిగి నెలకొన్నాయి. గత నాలుగు రోజులుగా తీవ్ర ఉక్కపోతతో ప్రజలు అవస్థలు పడుతున్నారు. అరేబియా సముద్రం మరియు బంగాళాఖాతంలో రుతుపవన కదలిక బలహీనంగా ఉండటం వల్ల ఉష్ణోగ్రతలు సాధారణం కంటే 2-4 డిగ్రీలు ఎక్కువగా నమోదవుతున్నాయి. కోస్తాంధ్రలో కొన్ని ప్రాంతాల్లో ఉష్ణోగ్రతలు 38-40°C మధ్య నమోదవుతున్నాయి. నిన్న జంగమహేశ్వరపురంలో 41°C గరిష్ఠ ఉష్ణోగ్రత నమోదైంది. సాయంత్రం సమయంలో అక్కడక్కడ పిడుగులు, ఈదురు గాలులతో కూడిన వర్షాలు కురుస్తున్నాయి. రాబోయే రెండు, మూడు రోజులు కోస్తాంధ్రలో వేడి వాతావరణం కొనసాగనుంది, ఉష్ణోగ్రతలు 36-38°C మధ్య, కొన్ని చోట్ల 40°C వరకు నమోదయ్యే అవకాశం ఉందని వాతావరణ శాఖ తెలిపింది.
ప్రజలు ఎండలో బయటకు వెళ్లేటప్పుడు జాగ్రత్తలు తీసుకోవాలని, తగినంత నీరు తాగాలని వాతావరణ శాఖ సూచించింది.
