‘అరెస్టులు కాదు.. మ‌మ్మ‌ల్ని చంపేయండి’ – వైద్య విద్యార్థుల ఆవేద‌న‌

ఆంధ్రప్రదేశ్ (Andhra Pradesh) మెడికల్ కౌన్సిల్ (Medical Council) (ఏపీఎంసీ) (APMC) కార్యాలయం (Office) వద్ద ఎన్టీఆర్ హెల్త్ యూనివర్సిటీ (NTR Health University) గేటు (Gate) ఎదుట విదేశీ వైద్య విద్యార్థుల (ఎఫ్‌ఎంజీ) నిరాహార దీక్ష తీవ్ర ఉద్రిక్తతకు దారితీసింది. జాతీయ స్థాయిలో ఈ ఘ‌ట‌న సంచ‌ల‌నం సృష్టించింది. పర్మినెంట్ రిజిస్ట్రేషన్‌లు (Permanent Registrations) జారీ చేయాలని డిమాండ్ చేస్తూ సోమవారం నుంచి కొనసాగుతున్న ఈ ఆందోళనను పోలీసులు బలవంతంగా భగ్నం చేశారు. ఈ క్రమంలో విద్యార్థులను అరెస్టు చేసిన పోలీసులు, మహిళా విద్యార్థులను కూడా లాగి, కిరాతకంగా వ్యవహరించారని ఆరోపణలు వెల్లువెత్తాయి. మాచవరం సీఐ (Machavaram CI) ఒక విద్యార్థిని (Student Girl) తన రెండు కాళ్ల మధ్య పట్టుకుని కదలకుండా చేసిన ఘటన సామాజిక మాధ్యమాల్లో వైరల్‌గా మారి, పోలీసులపై తీవ్ర విమర్శలు వచ్చాయి.

ప్ర‌భుత్వ నిర్ల‌క్ష్య వైఖ‌రి, పోలీసుల తీరుపై విద్యార్థులు తమ ఆవేదనను వ్యక్తం చేస్తూ, “అరెస్టులు కాదు, మమ్మల్ని చంపేయండి” అంటూ కన్నీరు పెట్టుకున్నారు. విదేశాల్లో వైద్య విద్య పూర్తిచేసుకొచ్చిన విద్యార్థులు గత ఎనిమిది నెలలుగా పర్మినెంట్ రిజిస్ట్రేషన్‌ల కోసం ఎదురుచూస్తున్నారని, ఏపీఎంసీ నిర్ణయాలు లేకపోవడంతో తమ కెరీర్ అనిశ్చితిలో పడిందని ఆరోపించారు. ఈ సందర్భంలో ఆంధ్ర‌ప్ర‌దేశ్ మెడిక‌ల్ కౌన్సిల్ చైర్మన్ కారును విద్యార్థులు అడ్డుకునే ప్రయత్నం చేయగా, పోలీసులు వారిని బలవంతంగా అరెస్టు చేశారు. ఈ ఘటనపై వైసీపీ సహా విపక్షాలు తీవ్రంగా స్పందించాయి, టీడీపీ ప్రభుత్వం “రెడ్ బుక్ పాలన”లో భాగంగా విద్యార్థులను అణచివేస్తోందని ఆరోపించాయి.

ఈ ఆందోళనల నేపథ్యంలో, విద్యార్థులు జాతీయ వైద్య సంఘం (ఎన్ఎంసీ) నిబంధనల ప్రకారం ఒక సంవత్సరం ఇంటర్న్‌షిప్‌కు అనుమతించాలని, పర్మినెంట్ రిజిస్ట్రేషన్‌లు జారీ చేయాలని డిమాండ్ చేశారు. ఏపీఎంసీలో 25 మంది సభ్యులతో కూడిన కౌన్సిల్ ఏర్పాటు కాకపోవడం వల్ల నిర్ణయాలు ఆలస్యమవుతున్నాయని, ఇది విద్యార్థుల భవిష్యత్తును ప్రమాదంలోకి నెట్టివేస్తోందని విమర్శించారు. ఈ ఘటన రాష్ట్రంలో వైద్య విద్య వ్యవస్థలోని లోపాలను బయటపెట్టడమే కాక, పోలీసు చర్యలపై తీవ్ర చర్చను రేకెత్తించింది. బాధిత విద్యార్థులు ముఖ్యమంత్రి చంద్రబాబు నాయుడుతో భేటీ కోరుతూ, తమ సమస్యలకు తక్షణ పరిష్కారం కోరుతున్నారు.

పోలీసులు బూటు కాళ్ల‌తో తొక్కారు

మ‌నోజ్ఞ అనే లేడీ స్టూడెంట్‌ని పోలీసులు క‌డుపులో తొక్కార‌ని తెలిపిన తోటి విద్యార్థులు

క‌డుపు నొప్పితో బాధ‌ప‌డుతున్నా.. ఆస్ప‌త్రికి తీసుకెళ్ల‌నివ్వ‌డం లేద‌ని తోటి విద్యార్థుల ఆవేద‌న‌#AndhraPradesh #MedicalStudents #StudentsProtest https://t.co/FTGBtUPxo8 pic.twitter.com/SgDXX5WgGk

— Telugu Feed (@Telugufeedsite) July 3, 2025