నేడు, రేపు ఏపీలో కేంద్ర‌మంత్రి అమిత్ షా ప‌ర్య‌ట‌న‌

కేంద్ర హోం మంత్రి అమిత్ షా ఇవాళ ఆంధ్రప్రదేశ్ రాష్ట్రానికి పర్యటనకు రానున్నారు. సాయంత్రం గన్నవరం చేరుకోనున్న ఆయన, అక్కడి నుంచి ఉండవల్లి వెళ్లి చంద్రబాబు నాయుడు నివాసంలో విందుకు హాజరుకానున్నారు. అమిత్ షా రేపు గన్నవరం సమీపంలో ఉన్న NIDM (National Institute of Disaster Management) సెంటర్ మరియు NDRF (National Disaster Response Force) 10వ బెటాలియన్ ప్రాంగణాలను ప్రారంభించనున్నారు. ఈ కార్యక్రమాలు రాష్ట్ర అభివృద్ధి దిశగా ముందడుగు వేయనున్నాయని భావిస్తున్నారు. ఈ పర్యటనలో డిప్యూటీ సీఎం పవన్ కళ్యాణ్‌తో సమావేశం జరిగే అవకాశముందని తెలుస్తోంది. ఈ సమావేశం రాష్ట్ర రాజకీయ పరిణామాలపై కీలక చర్చలకు వేదికగా నిలవవచ్చని విశ్లేషకులు భావిస్తున్నారు.