నందమూరి బాలకృష్ణ (Nandamuri Balakrishna), దర్శకుడు బోయపాటి శ్రీను (Boyapati Srinu) కాంబినేషన్‌లో తెరకెక్కుతున్న భారీ చిత్రం అఖండ-2 (Akhanda-2) (తాండవం) షూటింగ్ శరవేగంగా సాగుతోంది. 2021లో విడుదలైన అఖండ చిత్రం బాక్సాఫీస్ వద్ద సంచలన విజయం సాధించిన నేపథ్యంలో, ఈ సీక్వెల్‌పై భారీ అంచనాలు నెలకొని ఉన్నాయి. ఈ చిత్రం 2025 సెప్టెంబర్‌లో దసరా సందర్భంగా ప్రేక్షకుల ముందుకు రానుంది. ఈ నేపథ్యంలో అఖండ-2కి సంబంధించిన ఓ ఆసక్తికరమైన వార్త సోషల్ మీడియాలో వైరల్‌గా మారింది.
బోయపాటి శ్రీను ఈ చిత్రంలో ఒక పవర్‌ఫుల్ స్పెషల్ రోల్‌ (Special Role)ను రూపొందించారని, ఆ పాత్ర కోసం లేడీ అమితాబ్‌గా పేరొందిన విజయశాంతి (Vijayashanti)ని సంప్రదించినట్లు చర్చ జరుగుతోంది. విజయశాంతి యాక్షన్ రోల్స్‌తో తెలుగు సినిమా ప్రేక్షకుల హృదయాల్లో ప్రత్యేక స్థానం సంపాదించుకున్న నటి. ఆమె అఖండ-2లో కనిపిస్తే, బాలకృష్ణ ఎనర్జీతో కలిసి తెరపై మాస్ మాయజాలం సృష్టించే అవకాశం ఉందని అభిమానులు భావిస్తున్నారు.
ఇటీవల, అఖండ-2 క్లైమాక్స్ షూటింగ్ కోసం జార్జియాలో షెడ్యూల్ ప్రారంభమైందని, మే 21 నుంచి ఈ షూటింగ్ మొదలైనట్లు నిర్మాతలు ప్రకటించారు. జూన్ 10న, బాలకృష్ణ పుట్టినరోజు సందర్భంగా ఈ చిత్ర టీజర్ విడుదల కానుందని సమాచారం. విజయశాంతి అఖండ-2లో పవర్‌ఫుల్ కామియో రోల్‌లో కనిపిస్తారనే వార్తలు అభిమానుల్లో ఉత్సాహాన్ని రేకెత్తిస్తున్నాయి. అయితే, ఈ వార్త‌కు సంబంధించి నిర్మాతలు, దర్శకుడు బోయపాటి శ్రీను నుంచి అధికారిక ప్ర‌క‌ట‌న రావాల్సి ఉంది.
