ప్ర‌ముఖ సినీ న‌టి సమంత వ్యక్తిగత జీవితం, కెరీర్ గురించి ఇటీవల జరుగుతున్న చర్చలు ఆమెపై ప్రజల ఆసక్తిని మరింత పెంచాయి. నాగ చైతన్యతో విడాకుల తర్వాత ఆమె త‌న‌లోని ఆత్మవిశ్వాసాన్ని పెంపొందించుకుంటూ, సినిమాల్లో కొత్త ప్రయోగాలకు శ్రీకారం చుట్టడం ఇటీవల మ‌నం చూస్తున్నాం.
కెరీర్‌లో కొత్త మెరుగులుమయోసైటిస్ నుంచి కోలుకున్న సమంత, ఇటీవల బాలీవుడ్‌లో అడుగుపెట్టి ‘సిటాడెల్’ వెబ్ సిరీస్‌లో నటించారు. ఈ సిరీస్‌లో ఆమె నటన, హీరో వరుణ్ ధావన్‌తో ఘాటైన సన్నివేశాలు పెద్ద చర్చనీయాంశమయ్యాయి. వెబ్ సిరీస్ మిక్స్‌డ్ రివ్యూలు అందుకున్నప్పటికీ, సమంత నటనకు ప్రశంసలు దక్కాయి. ఈ ప్రాజెక్టు ద్వారా సమంత బాలీవుడ్‌లో తన స్థానం ఖరారు చేసుకునే ప్రయత్నంలో ఉన్నట్టు స్పష్టమవుతోంది.
వ్యక్తిగత జీవితం చుట్టూ గాసిప్స్
నాగ చైతన్యతో విడాకుల తర్వాత, సమంత రెండో వివాహంపై మీడియాలో అనేక వార్తలు వినిపిస్తున్నాయి. ఆమె బాలీవుడ్ దర్శకుడు రాజ్ నిడిమోరుతో రిలేష‌న్‌లో ఉన్నార‌ని, త్వరలోనే వీరి వివాహం జరగబోతుందని బాలీవుడ్ మీడియా క‌థ‌నాలు రాస్తోంది. అయితే, ఈ వార్తలపై సమంత నుంచి ఎలాంటి అధికారిక ప్రకటన రాలేదు.
సమంత ఇన్‌స్టాగ్రామ్ పోస్ట్: రెండో పెళ్లిపై స్పందన
సమంత తన ఇన్‌స్టాగ్రామ్‌లో నమ్మకమైన భాగస్వామి, పిల్లలు కావాలని చెప్పడం గమనార్హం. తన నటనను మెరుగుపరుచుకోవడంతో పాటు, తన ఆర్థిక స్వావలంబన పెంపొందించుకోవడం మీద దృష్టి పెట్టినట్టు ఆమె పేర్కొన్నారు. సమంత ఇన్‌స్టాలో చేసిన పోస్ట్ వైరల్ అవుతుండగా, అభిమానులు ఆమెకు మద్దతు తెలుపుతున్నారు. కెరీర్ పరంగా కూడా సమంత తనకు తానే ప్రత్యేక గుర్తింపును తెచ్చుకోవాలని చేసే కృషి ప్రశంసనీయమని పలువురు చెబుతున్నారు. సమంత ఇన్‌స్టాలో చేసిన పోస్ట్ వైరల్‌గా మారింది.
