బాలీవుడ్ నటుడు, అమీర్ ఖాన్ మేనల్లుడు ఇమ్రాన్ ఖాన్‌కు ముంబై పోలీసులు నోటీసులు జారీ చేసినట్లు సమాచారం. అక్టోబర్ 28లోగా భారత్ విడిచి వెళ్లాలని ఆ నోటీసుల్లో పేర్కొన్నట్లు తెలుస్తోంది. కేంద్ర ఎన్నికల సంఘం (సీఈసీ) ప్రధాన కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ కాక్రోచ్ జనతా పార్టీ ఆధ్వర్యంలో అక్టోబర్ 10న ముంబైలో నిరసన కార్యక్రమం నిర్వహించారు. ఈ ఆందోళనలో ఇమ్రాన్ ఖాన్‌తో పాటు ఆయన భాగస్వామి, నటి లేఖా వాషింగ్టన్, బంధువు జైన్ మేరీ ఖాన్ పాల్గొన్నారు. ఈ సందర్భంగా పోలీసులు వారిని అదుపులోకి తీసుకున్నట్లు కథనాలు వెలువడ్డాయి.
ఇమ్రాన్ ఖాన్ భారత పౌరుడు కాదని, ఆయనకు అమెరికా పౌరసత్వం ఉందని మీడియా కథనాలు పేర్కొన్నాయి. విదేశీ పౌరుడిగా నిరసన కార్యక్రమంలో పాల్గొన్న అంశంపై ఇమ్మిగ్రేషన్ నిబంధనల ప్రకారం అధికారులు చర్యలు తీసుకున్నట్లు సమాచారం. ఈ నేపథ్యంలో అక్టోబర్ 28లోగా దేశం విడిచి వెళ్లాలని ముంబై పోలీసులు నోటీసులు ఇచ్చినట్లు తెలుస్తోంది. అయితే, నోటీసుల పూర్తి వివరాలు, వాటిని జారీ చేయడానికి గల అధికారిక కారణాలపై స్పష్టత రావాల్సి ఉంది. ఈ వ్యవహారంపై ఇమ్రాన్ ఖాన్ లేదా ఆయన ప్రతినిధులు ఇప్పటివరకు అధికారికంగా స్పందించినట్లు సమాచారం లేదు.
