‘ఐకాన్ స్టార్’ అల్లు అర్జున్ (Allu Arjun) వరుస పాన్ ఇండియా (Pan India) సినిమాలతో ఫుల్ బిజీగా ఉన్నాడు. ‘పుష్ప’(Pushpa) సిరీస్తో దేశవ్యాప్తంగా సంచలనం సృష్టించిన బన్నీ ప్రస్తుతం దర్శకుడు అట్లీ(Atlee) తెరకెక్కిస్తున్న భారీ యాక్షన్ ఎంటర్టైనర్ ‘రాకా’(Raka) షూటింగ్లో పాల్గొంటున్నాడు. ఇదే సమయంలో లోకేష్ కనగరాజ్ (Lokesh Kanagaraj) దర్శకత్వంలో రూపొందనున్న ‘AA23’పై కూడా అంచనాలు రోజురోజుకూ పెరుగుతున్నాయి.
తాజాగా ఈ సినిమాకు సంబంధించిన టైటిల్ టీజర్పై (Teaser) సోషల్ మీడియాలో ఆసక్తికర ప్రచారం జరుగుతోంది. మేకర్స్ ఇప్పటికే టైటిల్ టీజర్ చిత్రీకరణను పూర్తి చేశారని, త్వరలోనే అభిమానుల ముందుకు తీసుకురావడానికి సన్నాహాలు చేస్తున్నట్లు టాక్ వినిపిస్తోంది. లోకేష్ కనగరాజ్ తన మార్క్ హై-ఆక్టేన్ యాక్షన్ (High-Octane Action) స్టైల్లో ఈ టీజర్ను రూపొందించగా, అల్లు అర్జున్ను ఇప్పటివరకు చూడని పవర్ఫుల్ అవతార్లో చూపించనున్నారని సినీ వర్గాల్లో చర్చ సాగుతోంది.
ఈ టీజర్ విడుదలైతే ‘AA23’పై ఉన్న అంచనాలు మరింత పెరగడం ఖాయమనే అభిప్రాయం వ్యక్తమవుతోంది. సమాచారం ప్రకారం, ఈ చిత్రం రెగ్యులర్ షూటింగ్ను 2026 దసరా సందర్భంగా ప్రారంభించే అవకాశాలు ఉన్నాయి. ప్రముఖ నిర్మాణ సంస్థ మైత్రీ మూవీ మేకర్స్(Mythri Movie Makers) భారీ బడ్జెట్తో ఈ చిత్రాన్ని నిర్మించనుండగా, స్టార్ సంగీత దర్శకుడు అనిరుధ్ రవిచందర్ (Anirudh Ravichander) సంగీతాన్ని అందించనున్నారు.
అయితే టైటిల్ టీజర్, సినిమా టైటిల్ లేదా విడుదల తేదీపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. ప్రస్తుతం సోషల్ మీడియాలో వైరల్ అవుతున్న సమాచారం అనధికారికమే అయినప్పటికీ, అధికారిక అప్డేట్ కోసం అల్లు అర్జున్ అభిమానులు ఎంతో ఆసక్తిగా ఎదురుచూస్తున్నారు.
