ఫిఫా వరల్డ్కప్ 2026లో (FIFA World Cup 2026) స్విట్జర్లాండ్ (Switzerland) చరిత్రాత్మక విజయాన్ని నమోదు చేసింది. శుక్రవారం (జులై 3) జరిగిన రౌండ్ ఆఫ్ 32 (Round of 32) మ్యాచ్లో అల్జీరియాను 2-0 తేడాతో ఓడించి, ప్రపంచకప్ నాకౌట్ దశలో (Knockout Stage) తమ 90 ఏళ్ల చరిత్రలో తొలి విజయాన్ని అందుకుంది. మ్యాచ్ ప్రారంభమైన 10వ నిమిషంలోనే బ్రీల్ ఎంబోలో (Breel Embolo) గోల్ చేసి జట్టుకు ఆధిక్యం అందించగా, జోహాన్ మాన్జాంబి (Johan Manzambi) ఇచ్చిన అద్భుతమైన అసిస్ట్ మ్యాచ్లో హైలైట్గా నిలిచింది. రెండో అర్ధభాగం ప్రారంభంలో డాన్ న్డోయే (Dan Ndoye) మరో గోల్ సాధించడంతో స్విట్జర్లాండ్ విజయం ఖాయమైంది.
మ్యాచ్ మొత్తం స్విస్ జట్టు సమతుల్య ఆటతీరు, కట్టుదిట్టమైన డిఫెన్స్, వేగవంతమైన కౌంటర్ అటాక్స్తో ఆకట్టుకుంది. రియాద్ మహ్రెజ్ (Riyad Mahrez) నాయకత్వంలోని అల్జీరియా (Algeria) బంతిపై ఆధిపత్యం చెలాయించేందుకు ప్రయత్నించినప్పటికీ, స్విట్జర్లాండ్ రక్షణను ఛేదించలేకపోయింది. ఈ చారిత్రక విజయంతో స్విస్ జట్టు ప్రీక్వార్టర్స్ (రౌండ్ ఆఫ్ 16)కు అర్హత సాధించడమే కాకుండా, నాకౌట్ దశలో ఎన్నో దశాబ్దాలుగా వెంటాడిన వైఫల్యాలకు తెరదించింది. తదుపరి మ్యాచ్లో కొలంబియా-ఘనా (Colombia-Ghana) మ్యాచ్ విజేతతో స్విట్జర్లాండ్ తలపడనుంది.
