భారతీయ సినీ ఇండస్ట్రీలో రికార్డుల వేట కొనసాగుతోంది. తాజాగా ‘ధురంధర్-2’ చిత్రం బాలీవుడ్ చరిత్రలోనే ఎవరికీ సాధ్యం కాని అరుదైన ఘనతను సొంతం చేసుకుంది. దేశీయ బాక్సాఫీస్ వద్ద కేవలం హిందీ వెర్షన్ ద్వారా రూ.1,000 కోట్ల నెట్ కలెక్షన్లు సాధించిన తొలి సినిమాగా ఇది రికార్డు సృష్టించింది.
18వ రోజు వసూళ్ల వివరాలు
విడుదలైన మూడో వారంలోనూ ఈ చిత్రం తన పట్టును కోల్పోలేదు. నిన్న (18వ రోజు) దేశవ్యాప్తంగా 4,030 షోలతో బరిలోకి దిగి, సుమారు రూ.3.82 కోట్ల నెట్ వసూళ్లను రాబట్టింది. వర్కింగ్ డేలో కూడా ఈ స్థాయి వసూళ్లు సాధించడం సినిమాపై ఉన్న క్రేజ్ను తెలియజేస్తోంది.
టాలీవుడ్ వర్సెస్ బాలీవుడ్
ప్రస్తుతం ఇండియాలో అత్యధిక నెట్ కలెక్షన్లు సాధించిన టాప్-3 స్థానాల్లోనూ దక్షిణాది (టాలీవుడ్) ప్రభావం స్పష్టంగా కనిపిస్తోంది. ధురంధర్-2 హిందీలో నంబర్ 1 గా నిలిచినప్పటికీ, ఓవరాల్ ఇండియా నెట్ వసూళ్లలో ఇంకా పుష్ప-2, బాహుబలి-2 ల వెనుకే ఉంది.
