తెలంగాణ ముఖ్యమంత్రి రేవంత్ రెడ్డి గురువారం అసెంబ్లీలో ఓఆర్ఆర్ టెండర్లపై సిట్ విచారణకు ఆదేశించారు. ఈ టెండర్లు కొంతమందికి లాభం చేకూర్చడానికి మాత్రమే కట్టబెట్టబడ్డాయి అని పేర్కొన్న రేవంత్.. బీఆర్ఎస్ ఎమ్మెల్యే హరీష్ రావు కోరిక మేరకు ఈ విచారణకు ఆదేశించామన్నారు. మనం విధివిధానాలు కేబినెట్‌లో చర్చించి, వాటిని పరిశీలించి విచారణ చేస్తామని సీఎం తెలిపారు.
కాంగ్రెస్ నిర్ణ‌యాల వల్లే రాష్ట్ర ఆదాయం పెరుగుద‌ల
రాష్ట్రానికి 65 శాతం ఆదాయం పెర‌గడానికి కారణం కాంగ్రెస్ ప్రభుత్వ నిర్ణయాలేన‌ని, దివంగ‌త నేత వైఎస్‌ఆర్‌ ప్రభుత్వం ఆనాడు చేప‌ట్టిన ఓఆర్ఆర్, శంషాబాద్‌ విమానాశ్రయం వంటి ప్రాజెక్టుల వల్లే రాష్ట్రం అభివృద్ధి చెందిందన్నారు. రాష్ట్ర బడ్జెట్‌ రూ.2 లక్షల కోట్లకు పైగా పెరిగింది, దీనికి కారణం కాంగ్రెస్ నిర్ణయాలేన‌ని రేవంత్‌రెడ్డి చెప్పారు.
వివాదాస్పదంగా ఓఆర్ఆర్ లీజ్ వ్యవహారం
ఓఆర్ఆర్ ప్రాజెక్టు 30 ఏళ్ల పాటు లీజ్‌కు ఇవ్వడంపై తీవ్ర చర్చలు జరిగిన నేపథ్యంలో రాష్ట్ర ప్రభుత్వం ఈ వ్యవహారాన్ని సున్నితంగా పరిశీలిస్తుందని సీఎం రేవంత్ తెలిపారు.
హరీష్ రావు స్పందిస్తూ..
బీఆర్ఎస్ ఎమ్మెల్యే హరీష్ రావు మాట్లాడుతూ.. తాను ఓఆర్ఆర్ టెండర్లపై విచారణ కోరలేదని, అయిన‌ప్ప‌టికీ ఈ విచారణను స్వాగతిస్తున్నాను అని కౌంటర్ ఇచ్చారు.
