ఇటీవల హైదరాబాద్ సంధ్య థియేటర్ వద్ద జరిగిన ఘటనపై అల్లు అర్జున్ను అరెస్టు చేయడం పలు అనుమానాలకు తావిస్తోందని, ఇందులో రాజకీయ కుట్ర కోణం ఉందంటూ వైసీపీ మాజీ ఎంపీ మార్గాని భరత్ ఆరోపించారు. ఈ సంఘటనలో థియేటర్ నిర్వాహకులు, జనాలను అదుపు చేయడంలో విఫలమైన పోలీసులు ఎందుకు బాధ్యులుగా పరిగణించడం లేదని ప్రశ్నించారు.
రాజమండ్రి ఘటనకు పోలిక..
రాజమండ్రి పుష్కరాల్లో జరిగిన దుర్ఘటనలో 29 మంది చనిపోతే అప్పటి ముఖ్యమంత్రి చంద్రబాబు బాధ్యత వహించలేదనే విమర్శలు ఇప్పటికీ ఉన్నాయి. అలాంటి పరిస్థితుల్లో చంద్రబాబు తన అధికారాన్ని ఉపయోగించి క్లీన్ చిట్ పొందగలిగారని భరత్ ఆరోపించారు. ఇప్పుడు అల్లు అర్జున్ ఘటనలో మాత్రం ఇతర చట్టాలు ఎందుకు వర్తించాయి? ప్రజలందరికీ సమానమైన న్యాయం జరగాల్సిన అవసరం ఉందన్నారు.
సమానత్వం అవసరం..
చంద్రబాబుకు ఒకరకమైన చట్టం, అల్లు అర్జున్కు మరో రకమైన చట్టం అనేది సమాజం కచ్చితంగా తిరస్కరించాలని మార్గాని భరత్ అన్నారు. ప్రజలందరికీ ఒకే విధమైన చట్టాలు, న్యాయం అందుబాటులో ఉండాలని స్పష్టంగా చేశారు.
