పాన్ ఇండియా స్టార్ ప్రభాస్ (Prabhas) అభిమానులకు ఈసారి అక్టోబర్ 23 (పుట్టినరోజు) పెద్ద పండుగే. మేకర్స్ ఏకంగా మూడు వేర్వేరు సినిమాల నుంచి ట్రిపుల్ ట్రీట్ ఇవ్వడానికి సిద్ధమవుతున్నారు. ఒకే రోజు మూడు భారీ అప్డేట్స్ రాబోతుండడంతో ఫ్యాన్స్ సంబరాలు చేసుకుంటున్నారు.
సంక్రాంతి (Sankranti)కి విడుదల కాబోతున్న ‘ది రాజా సాబ్’ (The Raja Saab) నుంచి బర్త్డే సందర్భంగా మొదటి సింగిల్ విడుదల కానుంది. ఈ పాటలో ప్రభాస్ లుక్, స్టైల్ అదిరిపోతాయని సమాచారం. ఇక రెండో సర్ప్రైజ్గా, హను రాఘవపూడి (Hanu Raghavapudi) దర్శకత్వంలో రాబోతున్న కొత్త సినిమా ‘ఫౌజీ’ (Fauji) నుంచి అఫీషియల్గా టైటిల్ రివీల్ వీడియో విడుదల కాబోతోంది. మైత్రీ మూవీ మేకర్స్ ఈ సినిమాను నిర్మిస్తున్నారు.
మూడో ట్రీట్గా, ప్రభాస్ బ్లాక్బస్టర్ సినిమా ‘బాహుబలి: ది ఎపిక్’ (రీ-ఎడిటెడ్ వెర్షన్) ట్రైలర్ను కూడా పుట్టినరోజునే రిలీజ్ చేయనున్నారు. ఈ సినిమా అక్టోబర్ 31న ప్రీమియం ఫార్మాట్లలో మళ్లీ విడుదల కానుంది. మొత్తంగా, ఈ అక్టోబర్ 23న డార్లింగ్ ఫ్యాన్స్కు ఒక పాట, ఒక టైటిల్ రివీల్, ఒక ట్రైలర్ రూపంలో గ్రాండ్ సెలబ్రేషన్స్ అందబోతున్నాయి.
