రిషబ్ శెట్టి (Rishab Shetty) నటించిన ‘కాంతార: చాప్టర్ 1’ (Kantara: Chapter 1) బాక్సాఫీస్ (Box Office) వద్ద మాంచి దూకుడు చూపిస్తోంది. విడుదలైన మొదటి వీకెండ్‌ నుంచే ఈ సినిమా అద్భుతమైన స్పందనతో పాటు భారీ కలెక్షన్లను రాబడుతోంది. ముఖ్యంగా ఆదివారం ఒక్కరోజే అత్యధిక డే కలెక్షన్‌ను నమోదు చేసి ట్రేడ్ వర్గాలను కూడా ఆశ్చర్యంలో ముంచెత్తింది.
అధికారికంగా విడుదల చేసిన పోస్టర్ ప్రకారం, ఈ చిత్రం నాలుగు రోజుల లాంగ్ వీకెండ్‌లో ఏకంగా ₹335 కోట్లు గ్రాస్ కలెక్షన్ సాధించింది.
కేజీఎఫ్ 2 తర్వాతే ఇదే రికార్డు!
ఈ కలెక్షన్లతో సాండల్వుడ్ (కన్నడ సినీ పరిశ్రమ) లో ‘కేజీఎఫ్ 2’ తర్వాత తొలి వీకెండ్‌లోనే అత్యధిక వసూళ్లు సాధించిన రెండో అతిపెద్ద హిట్‌గా నిలిచింది ‘కాంతార’. కేవలం కన్నడలోనే కాకుండా, తెలుగు, హిందీ, తమిళం, మలయాళ భాషల్లోనూ ఈ సినిమా మంచి కలెక్షన్లతో దూసుకెళ్తోంది.
దైవత్వం, గ్రామీణత, యాక్షన్ అంశాలు మేళవించిన ఈ చిత్రం అన్ని వర్గాల ప్రేక్షకులను ఆకట్టుకుంటోంది. రాబోయే దీపావళి పండుగ వరకు కూడా బాక్సాఫీస్ వద్ద ఇది రానించే అవకాశం ఉందని ట్రేడ్ విశ్లేషకులు చెబుతున్నారు.
తరుణ్ బలంగా నిలిచిన ‘హోంబలే ఫిల్మ్స్’
హోంబలే ఫిల్మ్స్ (Hombale Films) సంస్థ ఈ చిత్రాన్ని ప్రతిష్టాత్మకంగా నిర్మించింది. దర్శకుడు, హీరోగా రిషబ్ శెట్టితో పాటు రుక్మిణి వసంత్, గుల్షన్ దేవయ్య, జయరామ్ తదితరులు కీలక పాత్రల్లో నటించారు. సంగీతాన్ని అజనీష్ లోక్‌నాథ్ అందించారు.
