ఏపీ(AP) ముఖ్యమంత్రి (Chief Minister) చంద్రబాబు నాయుడు (Chandrababu Naidu) చేసిన వ్యాఖ్యలు రాష్ట్ర వ్యాప్తంగా సంచ‌ల‌నం సృష్టిస్తున్నాయి. సీఎం వ్యాఖ్యలపై వైసీపీ నేతలు తీవ్రంగా స్పందిస్తున్నారు. శ్రీసత్యసాయి జిల్లా పుట్టపర్తి (Puttaparthi)లోని కొత్తచెరువు (Kottacheruvu) జడ్పీ స్కూల్‌ (ZP School)లో జరిగిన పేరెంట్-టీచర్ (Parent-Teacher) మీటింగ్‌ (Meeting)లో ముఖ్యమంత్రి చంద్రబాబు నాయుడు చేసిన వ్యాఖ్యలు రాష్ట్ర రాజకీయాల్లో కలకలం సృష్టించాయి. తల్లికి వందనం పథకం తన కుమారుడు, మంత్రి నారా లోకేష్ (Nara Lokesh) ఆలోచన నుంచి పుట్టిందని చంద్రబాబు పేర్కొనడం సోషల్ మీడియాలో తీవ్ర చర్చకు దారితీసింది. ఈ వ్యాఖ్యలపై వైసీపీ శ్రేణులు, సానుభూతిపరులు సెటైర్లు, విమర్శలతో స్పందిస్తున్నారు.
తల్లికి వందనం పథకం, గత వైసీపీ ప్రభుత్వం ప్రవేశపెట్టిన ‘అమ్మ ఒడి’ (Amma Vodi)పథకానికి పేరు మార్చిన రూపమని వైసీపీ స్ప‌ష్టం చేస్తోంది. 2019-2024 మధ్య ఐదేళ్ల పాటు అమ్మ ఒడి పథకం ద్వారా విద్యార్థుల తల్లుల బ్యాంకు ఖాతాల్లో రూ.15,000 జమ అయ్యాయ‌ని, ఈ పథకానికి రూపకర్త మాజీ ముఖ్యమంత్రి వైఎస్ జగన్‌మోహన్ రెడ్డి (YS Jaganmohan Reddy) అని వైసీపీ గుర్తుచేస్తోంది. అయితే, ఈ పథకాన్ని కొనసాగిస్తూ దాని క్రెడిట్‌ను నారా లోకేష్‌కు ఆపాదించడం దుర్మార్గమని వైసీపీ నేతలు మండిపడుతున్నారు.
సోషల్ మీడియాలో వైసీపీ సానుభూతిపరులు చంద్రబాబుపై విమర్శలు గుప్పిస్తూ, “హైదరాబాద్ కట్టింది నేనే, ఐటీ తెచ్చింది నేనే, సెల్‌ఫోన్ కనిపెట్టింది నేనే, సత్యనాదెళ్లను మైక్రోసాఫ్ట్ సీఈవో చేసింది నేనే, కంప్యూటర్ కనిపెట్టింది నేనే” అంటూ చంద్రబాబు అన్ని క్రెడిట్లు తీసుకునే స్వభావాన్ని ఎద్దేవా చేస్తున్నారు. ఈ క్రమంలో తల్లికి వందనం పథకం క్రెడిట్‌ను కొడుకు లోకేష్‌కు ఎందుకు ఇచ్చారని సెటైర్లు వేస్తున్నారు.
వైసీపీ నేతలు మరో అడుగు ముందుకేసి, కొత్తచెరువు జడ్పీ స్కూల్‌ను కార్పొరేట్ స్థాయిలో తీర్చిదిద్దిన క్రెడిట్ కూడా జగన్‌మోహన్ రెడ్డి హయాంలోనిదేనని, లోకేష్ కూర్చున్న బెంచ్ కూడా జగన్ ప్రభుత్వం ఏర్పాటు చేసిందేనని సోషల్ మీడియాలో కామెంట్లు చేస్తున్నారు. అంతేకాదు, ప్రభుత్వ పాఠశాల విద్యార్థులకు ఏకరూప దుస్తులు, బ్యాగ్, బెల్ట్, షూ, సాక్స్, పాఠ్యపుస్తకాలు, నోట్‌బుక్‌లు వంటివి అందించే ఆలోచన కూడా జగన్‌మోహన్ రెడ్డి ప్రభుత్వానిదేనని, దీన్ని ఐదేళ్ల పాటు సమర్థవంతంగా అమలు చేసినట్లు వైసీపీ శ్రేణులు గుర్తుచేస్తున్నారు.
చంద్రబాబు తన కుమారుడు లోకేష్‌ను రాష్ట్ర ప్రజలపై రుద్దడానికి తీవ్రంగా కష్టపడుతున్నారని, పిల్లల ముందు కూడా అబద్ధాలను అలవోకగా చెబుతున్నారని వైసీపీ నేతలు ఆరోపిస్తున్నారు. “ప్రజలెవరూ అంత అమాయకులు కాదు, జగన్ ప్రవేశపెట్టిన పథకాలకు పేర్లు మార్చి, వాటి క్రెడిట్‌ను లోకేష్‌కు ఆపాదించడం సరికాదు” అని ఆక్షేపిస్తున్నారు. తల్లికి వందనం పథకం అమలు జగన్ హయాంలోని అమ్మ ఒడి నుంచి స్ఫూర్తి పొందినట్లు స్పష్టంగా కనిపిస్తున్నప్పటికీ, దాని క్రెడిట్‌ను లోకేష్‌కు ఆపాదించడం రాజకీయ వివాదానికి దారితీసింది.
