బాలీవుడ్‌ నటుడు అభిషేక్‌ బచ్చన్‌ (Abhishek Bachchan) తనపై వచ్చే నెగెటివిటీని ఎలా ఎదుర్కొంటున్నారో తాజాగా ఓ ఇంటర్వ్యూలో వెల్లడించారు. తన భార్య ఐశ్వర్య రాయ్‌ బచ్చన్‌ (Aishwarya Rai Bachchan) ఇచ్చిన సలహా (Advice)ను పాటిస్తూ, ఇప్పుడు కేవలం పాజిటివ్‌ విషయాలపైనే దృష్టి పెడుతున్నానని ఆయన తెలిపారు.
నెగెటివిటీని దూరం పెట్టిన ఐశ్వర్య సలహా
“నా చుట్టూ ఉన్నవారిని సంతోషంగా ఉంచాలని నేను ఎప్పుడూ కోరుకుంటాను. అలా చేయడానికి ప్రయత్నిస్తాను. కానీ కొన్నిసార్లు కాలమే మనకు కఠినంగా ఉండమని చెబుతుంది. ఒక నటుడిగా అలా ఉండడం నాకు కుదరదు. అలా ఉంటే ఆ ప్రభావం నా కెరీర్‌పై పడుతుంది. ఎన్ని విమర్శలు వచ్చినా సరే, నలుగురిని సంతోషంగా ఉండేలా చేయాలనే మనస్తత్వం నాది. నెగెటివ్‌ విషయాలు చెప్పేవారి గురించి ఎక్కువగా ఆలోచించేవాడిని, ట్రోలింగ్‌పై కూడా దృష్టిపెట్టేవాడిని. కానీ నా భార్య ఇచ్చిన ఒక సలహాతో వాటిని దూరం పెట్టేశాను,” అని అభిషేక్‌ వివరించారు.
ఐశ్వర్య (Aishwarya) ఇచ్చిన ఆ సలహా ఏమిటంటే: “తప్పుడు వార్తలు మనపై ఎలాంటి ప్రభావం చూపవు. పాజిటివ్‌ విషయాలపై మాత్రమే దృష్టిపెట్టండి. దానివల్ల చాలా ఉపయోగం ఉంటుంది.” ఈ సలహానే ఇప్పుడు తాను పాటిస్తున్నానని, ట్రోలింగ్‌ని పట్టించుకోకుండా ఎంజాయ్‌ చేస్తున్నానని అభిషేక్‌ అన్నారు.
కుటుంబమే బలం.. పనితో పాటు వ్యక్తిగత సమయానికీ ప్రాధాన్యత
“ఒంటరిగా ఎక్కువ రోజులు ఉండడం నా వల్ల కాదు. కుటుంబాన్ని చూడకుండా ఉండలేను. నా పక్కన మాట్లాడడానికి ఒక మనిషి కచ్చితంగా ఉండాలి. ఇంట్లో అందరం కలిసి సరదాగా మాట్లాడుకుంటాం. వర్క్‌ బిజీగా గడుపుతున్నప్పటికీ అప్పుడప్పుడు మనకోసం కూడా సమయం కేటాయించుకోవాలి,” అని అభిషేక్‌ పేర్కొన్నారు.
సినిమాల విషయానికొస్తే, అభిషేక్‌ ప్రస్తుతం ‘కాళిచరణ్‌ లపాత’ (Kaalicharan Lapata) సినిమా ప్రమోషన్స్‌లో బిజీగా ఉన్నారు. ఈ చిత్రం జీ 5 (ZEE5) వేదికగా జులై 4 నుంచి స్ట్రీమింగ్‌ కానుంది.
