తెలంగాణకు నీటి పంచాయితీ.. ఏపీపై మాజీ మంత్రికి మండిపాటు

తెలంగాణ (Telangana) లో కృష్ణా జలాల అంశం (Krishna Water Issue) మరోసారి దుమారం రేపుతోంది. మాజీ మంత్రి (Former Minister) జగదీశ్ రెడ్డి (Jagadish Reddy) ఈ వ్యవహారంపై హాట్ కామెంట్స్ చేశారు. రెండు నెలలుగా తమ పార్టీ హెచ్చరిస్తున్న విషయాన్ని ఇప్పుడు కృష్ణా నది నిర్వహణ బోర్డు (KRMB) కూడా సమర్థించిందని అన్నారు. “ఆంధ్రప్రదేశ్ ప్రభుత్వం (Andhra Pradesh Government) ఇప్పటి వరకు అక్రమంగా (Illegally) 65 టీఎంసీల (TMCs) నీటిని తీసుకెళ్లింది. మేము ఎప్పటి నుంచో ఈ విషయాన్ని చెబుతున్నాం.. ఇప్పుడే బోర్డు కూడా ఇదే చెబుతోంది. ఇది మా వాదనకు న్యాయం అయినట్లే,” అని జగదీశ్ రెడ్డి వ్యాఖ్యానించారు.

అంతేకాకుండా, తెలంగాణ ప్రభుత్వం (Telangana government) చంద్రబాబు (Chandrababu) తో లోపాయికారి ఒప్పందం (Secret Deal) చేసుకున్నట్లుగా అనుమానించడానికి కారణాలు ఉన్నాయని అన్నారు. “ఇంత పెద్ద అంశంపై సీఎం, మంత్రులు ఒక్కసారి కూడా సమీక్ష చేయకపోవడం శోచనీయం. పైగా ఏపీ అక్రమాలకు తెలంగాణ ప్రభుత్వం పరిరక్షణగా మారుతోంది,” అని తీవ్రంగా విమర్శించారు.

ఇందులో రాష్ట్ర ఐదు జిల్లాల్లో నీటి ఎద్దడి (Water Scarcity) తలెత్తే పరిస్థితి ఏర్పడిందని తెలిపారు. తాగునీటి సమస్యలు ముదిరే అవకాశం ఉందని హెచ్చరించారు. “ఇలా సాగితే ప్రజలు మళ్లీ పాత రోజులకు వెళ్తారు. కొత్త ఉద్యమం అవసరమవుతుంది. ప్రజలంతా ఉద్యమానికి సిద్ధంగా ఉండాలి. త్వరలోనే కేసీఆర్ (KCR) కార్యచరణ ప్రకటిస్తారు,” అంటూ అధికార పార్టీపై మండి పడ్డారు.