అనంతపురం జిల్లా (Anantapur District) లోని గుంతకల్లు నియోజకవర్గానికి చెందిన టీడీపీ ఎమ్మెల్యే(TDP MLA) గుమ్మనూరి జయరాం (Gummanuri Jayaram) మళ్లీ వివాదంలో చిక్కుకున్నారు. ఫీల్డ్ అసిస్టెంట్ (Field Assistant) ఉద్యోగం (Job) పేరిట లక్షల రూపాయలు వసూలు చేసి, చివరికి ఉద్యోగం ఇవ్వకుండా మోసం (Fraud) చేశారన్న ఆరోపణలతో ఓ బాధితుడు (Victim) ఆత్మహత్యాయత్నానికి పాల్పడిన ఘటన స్థానికంగా సంచలనంగా మారింది.
మామడూరు (Mamadduru) గ్రామానికి చెందిన బోలే యల్లప్ప (Bole Yallappa) అనే యువకుడు నాలుగు లక్షల రూపాయలు (₹4 Lakhs) ఎమ్మెల్యేకు ఇచ్చాడని, ఫీల్డ్ అసిస్టెంట్ ఉద్యోగం ఇప్పిస్తానని హామీ ఇచ్చారని కుటుంబ సభ్యులు తెలిపారు. తర్వాత అదే ఉద్యోగాన్ని మరో వ్యక్తికి ఎనిమిది లక్షల రూపాయలకు అమ్మేశారని ఆరోపించారు. ఈ విషయంలో తీవ్ర మనస్తాపానికి గురైన యల్లప్ప ఉరేసుకుని ఆత్మహత్య (Suicide) చేసుకోవాలన్న ప్రయత్నం చేశాడు. వెంటనే అతడిని ఆసుపత్రికి తరలించగా, ప్రస్తుతానికి అతని ఆరోగ్యం విషమంగా ఉందని సమాచారం.
ఈ ఘటనపై స్థానిక ప్రజలు, బంధువులు తీవ్రంగా స్పందించారు. ఎమ్మెల్యే జయరాంపై విచారణ జరిపి తగిన చర్యలు తీసుకోవాలని డిమాండ్ చేస్తున్నారు. అధికార పార్టీకి చెందిన ఎమ్మెల్యేపై ఇలాంటి ఆరోపణలు రావడంతో టీడీపీ (TDP) పెద్ద ఇబ్బందుల్లో పడే అవకాశం ఉందని రాజకీయ వర్గాల్లో చర్చ నడుస్తోంది. బాధితుడి ఆరోగ్యంపై పూర్తి సమాచారం అందాల్సి ఉంది. ఈ విష‌యంపై పోలీసుల స్పందన కూడా ఇంకా అధికారికంగా వెలువడలేదు.
