చర్మం (Skin) ఆరోగ్యంగా (Healthy), కాంతివంతంగా (Glowing) ఉండాలంటే కేవలం బయటి సంరక్షణ మాత్రమే కాదు, సరైన ఆహారం తీసుకోవడం కూడా చాలా ముఖ్యం. ముఖ్యంగా కొన్ని పండ్లు (Fruits) చర్మ సౌందర్యాన్ని పెంచుతాయి. వీటిలో ముఖ్యమైనది బొప్పాయి (Papaya). ఇందులో ఉండే పపైన్ అనే ఎంజైమ్ చర్మంపై పేరుకుపోయిన మృత కణాలను తొలగించి, సహజమైన మెరుపును ఇస్తుంది. అలాగే, నారింజ (Orange) వంటి సిట్రస్ పండ్లలో ఉండే అధిక విటమిన్ సి, చర్మానికి సాగే గుణాన్ని ఇచ్చే కొల్లాజెన్ ఉత్పత్తిని పెంచి, ముడతలు రాకుండా యవ్వనంగా ఉంచుతుంది.
ఇక స్ట్రాబెర్రీలు (Strawberries), బ్లూబెర్రీలు) (Blueberries), శక్తివంతమైన యాంటీ ఆక్సిడెంట్లతో నిండి ఉండి, చర్మాన్ని ఫ్రీ రాడికల్స్ నుండి రక్షించి, వృద్ధాప్య ఛాయలను అడ్డుకుంటాయి. దానిమ్మ లో ఉండే పాలిఫినాల్స్, అతినీలలోహిత (UV) కిరణాల నష్టం నుండి చర్మాన్ని రక్షిస్తాయి. అదేవిధంగా, అధిక నీటి శాతం ఉండే పుచ్చకాయ (Watermelon) మరియు దానిమ్మ (Pomegranate) చర్మానికి కావాల్సిన తేమను అందించి, పొడిబారకుండా నిగారింపుతో ఉండేలా చేస్తుంది.
ఇక అవకాడోలో ఉండే ఆరోగ్యకరమైన కొవ్వులు, విటమిన్ Eతో కలిసి చర్మాన్ని మృదువుగా ఉంచుతాయి. కాబట్టి, చర్మం లోపలి నుండి మెరవాలంటే ఈ పండ్లను మీ దైనందిన ఆహారంలో తప్పక చేర్చుకోవాలి. వీటితో పాటుగా, చర్మ సౌందర్యాన్ని పెంచడానికి రోజుకు సరిపడా నీరు తాగడం, సరైన నిద్ర మరియు సూర్యరశ్మి నుండి చర్మాన్ని రక్షించుకోవడం వంటి సాధారణ చిట్కాలను పాటించడం కూడా చాలా అవసరం.
అరేయ్.. ఇటు రారా.. లం***కా.. – పోలీసులపై జగ్గారెడ్డి తీవ్ర వ్యాఖ్యలు