అదానీ గ్రూప్ ఆధీనంలో కృష్ణపట్నం పోర్ట్‌కు సముద్ర మార్గంలో పెట్రోలియం దిగుమతుల కోసం కేంద్ర ప్రభుత్వం అనుమతి ఇచ్చింది. ఈ అనుమతి ప్రజా ప్రయోజనాల దృష్ట్యా తీసుకున్నట్లు ప్రభుత్వం తెలిపింది. అయితే, ఈ నిర్ణయం అదానీ గ్రూప్ చైర్మన్ గౌతమ్ అదానీపై అమెరికాలో న‌మోదైన త‌రువాత వ‌చ్చిన నేప‌థ్యంలో అంద‌రూ అవాక్కవుతున్నారు.
2026 మార్చి వరకు అనుమతి పొడిగింపు
పెట్రోలియం దిగుమతులు ప్రజా ప్రయోజనాలలో భాగంగా గుర్తించబడడంతో కేంద్ర నౌకలు, షిప్పింగ్‌ మరియు జలమార్గాల మంత్రిత్వ శాఖ ఈ అనుమతిని 2024 ఆగస్టు 25 నుంచి 2026 మార్చి 1 వరకు పొడిగించింది. దిగుమతుల నిర్వహణకు నావిగేషనల్ సేఫ్టీ అట్ పోర్ట్స్ కమిటీ (NSPC) క్లియరెన్స్ తప్పనిసరిగా అనుసరించాల్సి ఉంటుంది. ఇది పెట్రోలియం నియమాలు 2002లోని సెక్షన్ 16 (1) ప్రకారం మంజూరు చేయబడింది.
కృష్ణపట్నం పోర్ట్ ప్రత్యేకతలు..
అదానీ కృష్ణపట్నం పోర్ట్ రోజుకు 40 రేక్స్‌ లోపల మరియు బయటకు సరుకు రవాణా నిర్వహించగలదు. ఈ పోర్ట్ వద్ద ద్రవ సరుకు, ఖనిజాలు, బొగ్గు, ఎరువులు వంటి వస్తువులను దిగుమతులు చేసుకునే ప్రత్యేక అనుబంధ సౌకర్యాలు ఉన్నాయి. పోర్ట్‌కు నాలుగు, ఆరు లైన్ రోడ్డు కనెక్టివిటీ అందుబాటులో ఉంది. ఈ రోడ్డు సరుకుల వేగవంతమైన రవాణాకు అనుకూలంగా ఉంటుంది. ఆధునిక కార్గో నిర్వహణ వ్యవస్థ కూడా అందుబాటులో ఉంది.
