ఆసియా యూత్ అండ్ జూనియర్ ఛాంపియన్‌షిప్‌ (Asia Youth And Junior Championship)లో బంగారు పతకం సాధించిన రెడ్డి భవానీ (Reddy Bhavani)కి ఆంధ్రప్రదేశ్ మాజీ ముఖ్యమంత్రి, వైసీపీ అధినేత వైఎస్ జగన్‌మోహన్‌రెడ్డి (YS Jagan Mohan Reddy) శుభాకాంక్షలు తెలిపారు. భవిష్యత్తులో ఆమె మరిన్ని విజయాలు సాధించాలని ఆయన ఆకాంక్షించారు.
విజయనగరం జిల్లాకు చెందిన రెడ్డి భవానీ, ఆసియా యూత్ & జూనియర్ ఛాంపియన్‌షిప్‌లో మహిళల 48 కిలోల వెయిట్‌లిఫ్టింగ్ (Weightlifting) విభాగంలో పోటీపడింది. మొత్తంగా 159 కిలోల బరువునెత్తి స్వర్ణం కైవసం చేసుకుంది. ఈ సందర్భంగా రెడ్డి భవానీకి వైఎస్ జగన్ తన సోషల్ మీడియా వేదికగా హృదయపూర్వక అభినందనలు (Congratulations) తెలియజేశారు.
